ގީތާ ކަޕޫރު މަރުވެއްޖެ
26 މެއި 2018 | ހޮނިހިރު 13:14އޭނާ މަރުވީ މިއަދު ހެނދުނު
ގީތާ ކަޕޫރު
މަޝްހޫރު އެކްޓްރެސް ގީތާ ކަޕޫރު އުމުރުން 57 އަހަރުގައި މަރުވެއްޖެއެވެ.
އޭނާ މަރުވީ އިންޑިއާގެ މުމްބާއި ހޮސްޕިޓަލުގައި ފަރުވާ ދެމުންދަނިކޮށެވެ.
ޚަބަރުތައް ބުނާގޮތުގައި ގީތާ ހޮސްޕިޓަލުގައި އެޑްމިޓްވެ އޭނާގެ ދަރިން އަޅާނުލުމުން އޭނާގެ ހޮސްޕިޓަލް ބިލްތައް ދައްކާފައިވަނީ ސެންޓްރަލް ބޯޑު އޮފް ފިލްމު ސާޓިފިކޭޝަން(ސީބީއެފްސީ) މެމްބަރެއްކަމަށްވާ އަޝޯކް ޕަންދިތެވެ.
އަޝޯކް ކޮށްފައިވާ ޓްވީޓެއްގައި ބުނެފައިވަނީ އެންމެ ފަހު ދުވަހާއި ހަމައަށްވެސް ގީތާ އޭނާގެ ދަރިންނަށް އިންތިޒާރު ކުރިކަމަށާއި އެހެން ނަމަވެސް އެއްވެސް ދަރިއަކު އޭނާގެ ގާތަށް ޒިޔާރަތްވެސް ކޮށްފައި ނުވާކަމަށެވެ.
ގީތާ މީގެ ކުރިން އިންޑިއާގެ ނޫހެއްކަމަށްވާ މިޑްޑޭ އަށް ބުނެފައިވަނީ މިދިޔަ އަހަރުގެ މޭގައި އޭނާގެ ދަރިފުޅު ރާޖާ އޭނާ ދޫކޮށް ދިޔައީ ބަލިވެގެން ހޮސްޕިޓަލަށް ދިޔަތަނާ ކަމަށެވެ. ހޮސްޕިޓަލަށް އޭނާ ގެންގޮސް އޭނާގެ އަތުގައި ހުރި ފައިސާ އެ ހޮސްޕިޓަލާ ކައިރީގައި ހުރި އޭޓީއެމުން ނެގުމަށްފަހު ފިލާފައިވާކަމަށް އޭނާ ބުންޏެވެ.
ގީތާ ކިޔައިދިން ގޮތުގައި އޭނާއަށް ރާޖާ އަނިޔާކޮށް ކާން ނުދީ ތިން ހަތަރު ދުވަސްވަންދެން ބަހައްޓައެވެ. އަދި ގިނަ ދުވަސްވަންދެން ތަނެއްގައި ބަންދުކޮށްފައި ބަހައްޓާކަމަށާއި އެގޮތަށް ކަންތައް ކުރަނީ އުމުރުން ދުވަސްވީ މީހުން ބަލަހައްޓާ ތަނަކަށް ފޮނުވާލުމަށް ކަމަށް އޭނާ ބުންޏެވެ.
ގީތާ ވަނީ 100 އަށް ވުރެ ގިނަ ފިލްމު ތަކުން ފެނިގެން ގޮސްފައެވެ.
