"ހެރީ ޕޮޓާ" ގައި ޑަމްބްލްޑޯގެ ރޯލު ކުޅުނު އެކްޓަރު މައިކަލް ގެމްބޯން 82 އަހަރުގައި މަރުވެއްޖެ

"ހެރީ ޕޮޓާ" ފިލްމު ފްރެންޗައިޒްގައި ބުއްދިވެރި ޕްރޮފެސަރު އަލްބަސް ޑަމްބްލްޑޯގެ ރޯލުން ދުނިޔޭގެ ގިނަބައެއްގެ މަގުބޫލުކަން ހޯދާފައިވާ އިނގިރޭސި-އައިރިޝް އެކްޓަރު މައިކަލް ގެމްބޮން މަރުވެއްޖެ އެވެ.

އާއިލާއާއި ހަވާލާދީ ޕީއޭ މީޑިއާއިން ބުނީ ޢުމުރުން 83 އަހަރުގައި އޭނާ މަރުވީ މިދިޔަ ބުރާސްފަތި ދުވަހު މުސްކުޅި ބަލީގައި ހޮސްޕިޓަލުގައި ފަރުވާ ދެމުން ދަނިކޮށް ކަމަށެވެ.

1960 ގެ އަހަރުތަކުގެ ކުރީކޮޅު ގަމްބޮން ފުރަތަމަ ސްޓޭޖް ޑްރާމާތަކުގައި އެކްޓް ކުރަން ފެށިނަމަވެސް ފަހުން ޓީވީ އާއި ފިލްމަށް ބަދަލުވި އެވެ. ފާހަގަކޮށްލެވޭ ފިލްމު ރޯލްތަކުގެ ތެރޭގައި 1989 ވަނަ އަހަރު ޕީޓާ ގްރީންއަވޭގެ "ދަ ކުކް، ދަ ތިފް، ހިޒް ވައިފް އެންޑް ހަރ ލަވާ" އާއި 2010 ވަނަ އަހަރު ޓޮމް ހޫޕާގެ "ދަ ކިންގްސް ސްޕީޗް" ހިމެނެ އެވެ.

ގިނަފިލްތަކެއްގައި މަސައްކަތް ކޮށްފައިވީނަމަވެސް އޭނާ އެންމެ މަޝްހޫރުވީ 2004 ވަނަ އަހަރު މަރުހޫމް ރިޗަޑް ހެރިސްގެ 8 ފިލްމެއްގެ ސިލްސިލާގެ ތިން ވަނަ ބައިން އޭނާ ހަވާލުވި ރޯލް "ހެރީ ޕޮޓާ" ފްރެންޗައިޒްގައި ޑަމްބްލްޑޯގެ ރޯލުންނެވެ.

މައިކަލް ޖޯން ގަމްބޮން އުފަންވީ 19 އޮކްޓޯބަރު 1940 ގައެވެ. ގެމްބޮންގެ އުމުރުން ހަ އަހަރުގައި އެ އާއިލާ ލަންޑަންގެ ކެމްޑެން ޓައުންއަށް ބަދަލުވިއެވެ.

އުމުރުން 15 އަހަރުގައި ގަމްބޮން ސްކޫލުން ނިންމާ އިންޖިނިއަރިން އެޕްރެންޓިސްޝިޕެއް ފަށައި، 21 އަހަރުވީއިރު އޭނާ ވަނީ އެދާއިރާއިން މުޅިން ކޮލިފައިވެފަ އެވެ. ނަމަވެސް އޭނާ އިންސްޕަޔާވީ އެމެރިކާގެ އެކްޓަރުން ކަމަށްވާ މާލޮން ބްރޭންޑޯ އާއި ޖޭމްސް ޑީންގެ ފަރާތުން އެކްޓް ކުރުމުގެ ދާއިރާއަށެވެ.

1986 ވަނަ އަހަރު ގެނެސްދިން ޓީވީ ޝޯ "ދަ ސިންގިން ޑިޓެކްޓިވް" ގެ ލީޑް ރޯލުން 1980 ގެ އަހަރުތަކުގައި ގިނަ ބައެއްގެ ސަމާލުކަން ހޯދި އިރު، އެ ފިލްމުގައި އޭނާ ކުޅެފައި ވަނީ ހަމުގެ ބައްޔެއް ހުންނަ ލިޔުންތެރިއެއްގެ ރޯލެވެ.

އޭނާ ވަނީ 2001 ވަނަ އަހަރު ރިލީޒްކުރި "ގޯސްފޯޑް ޕާކް" އާއި "ދަ ކިންގްސް ސްޕީޗް" އަށް ތިން އޮލިވިއާ އެވޯޑާއި ދެ އެންސެމްބަލް ކާސްޓް ސްކްރީން އެކްޓާސް ގިލްޑް އެވޯޑް ވެސް ހާސިލްކޮށްފަ އެވެ.