މ މުލަކު ފަރަށްއެރި ބޯޓެއް ފުންކުރުމުގެ މަސައްކަތް ފަށައިފި
17 މެއި 2018 | ބުރާސްފަތި 06:22މިއީ ލ ގަމަށް ދަތުރުކުރި މީންވިލާ ކިޔާ ބޯޓެއް
ކޯސްޓްގާޑް؛ މ މުލީ ފަރަށް އެރި ބޯޓެއް ފުންކުރުމުގެ މަސައްކަތް ދަނީ ކުރަމުން
މާލެއިން ފުރައިގެން ލ.ގަމަށް ދަތުރުކުރި "މީންވިލާ" ނަމަކަށް ކިޔާ ބޯޓެއް މ.މުލަކު ފަރަށް އެރުމާ ގުޅިގެން އެމްއެންޑީއެފް ސެންޓްރަލް އޭރިއާ ކޯސްޓްގާޑް ސްކޮޑްރަންއިން ހަރަކާތްތެރިވާން ފަށައިފިއެވެ.
އެމްއެންޑީއެފުން ބުނީ މި ހާދިސާގެ މަޢުލޫމާތު ބުދަ ދުވަހުގެރޭ 19:50 ހާއިރު ލިބުމާއެކު އެމްއެންޑީއެފް ސެންޓްރަލް އޭރިއާ ކޯސްޓްގާޑް ސްކޮޑްރަންގެ ސިފައިންނާއެކު ހާބަރ ކްރާފްޓް ލޯންޗެއް ވަނީ ހަރަކާތްތެރިވާން ފަށާފައި ކަމަށެވެ. މި ހާދިސާގައި ފަރަށް އެރި ދޯނި ފުންކުރުމުގެ މަސައްކަތް ދޯނީގެ ވެރިފަރާތާއި އެމްއެންޑީއެފްގެ ޑައިވަރުން ގުޅިގެން ދަނީ ކުރަމުން ކަމަށާއި މި ހާދިސާ ހިނގި އިރު ބޯޓުގައި ތިބީ 5 ދިވެހިންނާއި 3 ބިދޭސީން ކަމަށް އެމްއެންޑީއެފުން ބުންޏެވެ.
މި ހާދިސާގައި އެއްވެސް މީހަކަށް ގެއްލުމެއް ލިބިފައިވާކަމުގެ ރިޕޯޓެއް ލިބިފައި ނުވެއެވެ.
