ސިއްހަތު
ރޯދަ އާއި ސިއްހަތު
ކަދުރުން ލިބޭ އަޖައިބެއް ފަދަ ފައިދާ
ކަދުރުގައި މުޅިއެކު 6 ވިޓަމިންސް އަދި 15 މިނެރަލްސް ގެ ބާވަތް ހިމެނެއެވެ.
ރާއްޖެ އެމްވީ | 15 މެއި 2018 | އަންގާރަ 16:35
ކަދުރު
ކަދުރަކީ މޭވާގެ ތެރެއިންވެސް ވަރަށް މާތްވެގެންވާ އެހާމެ މީރު މޭވާއެކެވެ. ރޯދަ ވީއްލާ ގަޑީގައި ކަދުރު ބޭނުން ކުރުމަކީ ސުންނަތް ވެގެންވާ ކަމެކެވެ. އެންމެ އެދެވިގެންވަނީ ރޯދަ ވީއްލާ ވަގުތުގައި މަދުވެގެން 2 ނުވަތަ 3 ކަދުރު ބޭނުން ކުރުމެވެ.
ފައިދާތައް
- ކަދުރުގައި ހަށިގަނޑަށް އެންމެ އެކަށޭނަ ވަރަށް ހަކުރު/ކެލޮރީސް ހުރުމުގެ ސަބަބުން ވަރުބަލިވުން ކުޑަކޮށްދީ ހަކަތަ އިތުރު ކޮށްދެއެވެ.
- ކަދުރުގައި މުޅިއެކު 6 ވިޓަމިންސް އަދި 15 މިނެރަލްސް ގެ ބާވަތް ހިމެނެއެވެ.
- ކަދުރުގައި އެކުލެވޭ ފައިބަރ، މި މާއްދާގެ ސަބަބުން ހަޖަމް ކުރުމަށް ފަސޭހަވެ، ބަނޑު ހިއްކުން ފަދަ ބަލިތަކުން ސަލާމަތް ކޮށްދީ، މީހާ މުޅި ދުވަހު ތާޒާ ކަންމަތީގައި ދެމެހެއްޓުމަށް ބާރު އަޅައެވެ.
- އާންމުކޮށް ކަދުރު ބޭނުން ކުރުމަކީ ހިތުގެ ބަލިތައް ޖެހުމުން ދުރުކޮށްދޭ ކަމެކެވެ.
- ހަކުރު ބަލި ހުންނަ ބޭފުޅުން ފޮނި އެއްޗެހި ބޭނުން ކުރުމުގެ ބަދަލުގައި ކަދުރު ބޭނުން ކުރެވިދާނެއެވެ.
