އުއްދަނޑި: ތަދު ނަމަވެސް އެހާމެ ފައިދާ ބޮޑު ޖޫހެއް

ދުނިޔޭގެ %70 ހަކުރު އުފައްދަނީ އުއްދަނޑިންނެވެ. އޭގައިވާ މީރު ފޮނި ރަހައަކީ އެކި ވައްތަރުގެ ގުލްކޯސް މާއްދާތަކުގެ ސަބަބުން ލިއްބައިދޭ ފޮނިކަމެކެވެ. އުއްދަނޑި އަކީ އޭގެ ތެރޭގައި ފޮނި ދިޔަ އެއް އެކުލެވިގެންވާ، ދިގުކޮށް ހުންނަ ގަހަކަށް ކިޔާ ނަމެކެވެ. އާންމުކޮށް ދިގު މިނުގައި 2 ފޫޓާއި 6 ފޫޓު ހުންނަ މި ގަހަކީ، އަޖައިބު ކުރަނިވި ފައިދާތަކެއް ކުރާ މީރު އެއްޗެކެވެ. މިއީ އާނުމުކޮށް ހޫނު ތަންތަނުގައި ހެދޭ ގަހެކެވެ. ދުނިޔޭގައި އެންމެ ގިނައިން އުއްދަނޑި އުފައްދާ ޤައުމަކީ ބްރެޒިލް އާއި އިންޑިއާ އެވެ.

ފައިދާތައް:

• އުއްދަނޑީގެ އެންމެ ޖޫސް ތައްޓަކުންވެސް އެކަށީގެންވާ ވަރަށް އިންސާނާގެ ހަށިގަނޑަށް ކާބޯހައިޑްރޭޓްސް، ޕްރޮޓީންސް އަދި މިނެރަލްސް ލިއްބައި ދެއެވެ.
• އުއްދަނޑީގައި އެކަށިގެންވާ ވަރަށް ކުޑަކަމުދާ ނިޒާމަށް ޖެހޭ ބަލިތަކާއި ހިލަ އުފެދުމުން ރައްކާތެރިކޮށް، ކިޑްނީ ރަނގަޅަށް މަސައްކަތް ކުރުމަށް އެހީތެރިވެދޭ މާއްދާތަކެއް ހިމެނެއެވެ.
• އުއްދަނޑީގެ ދިޔަ ބޭނުން ކުރުމަކީ ހަންގަނޑު ރީނދޫ ވުމުން ސަލާމަތްކޮށްދޭ ހަށިގަނޑު ބައްޓަން ކޮށްދޭ ބޭހެއްވެސް މެއެވެ.
• ހަށިގަނޑުގައި ވަރު ޖައްސައިދިނުމަށްވެސް އުއްދަނޑި ވަރަށްބޮޑަށް އެހީތެރިވެ ދެއެވެ.
• އުއްދަނޑި އަކީ ވަރަށް ފައްކާ ދަތްއުނގުޅާ ބޭހެއްވެސްމެއެވެ. އޭގައި ހިމެނޭ މާއްދާ ތަކުގެ ސަބަބުން ދަތްފަނި ކެއުމާއި އަނގައިން ނުބައި ވަސް ދުވުމުން ދުރުކޮށްދެއެވެ.
• އުއްދަނޑި އަކީ ހަކުރު ބަލީގެ މީހުނަނަށް ވެސް ބެނުން ކުރެވޭނެ އެންމެ ރަނގަޅު ހަކުރެވެ. ސަބަބަކީ އުއްދަނޑީގައި އެއްވެސް ވަރަކަށް ފެޓްސް ނުހިމެނޭ %100 ގުދުތަރީ ބުއިމަކަށް ވާތީއެވެ.
• މީގެ އިތުރުންވެސް، ބޮޑުކަމުދާން އުނދަގޫވާ ފަރާތްތަކަށް އެކަމުގެ ހައްލުވެސް އެންމެ ފަސޭހައިން ލިބެން ހުންނާނީ އުއްދަނޑިންނެވެ.