ރާއްޖޭގެ ސިއްހީ ދާއިރާގައި ހަރަކާތްތެރިވަމުން އަންނަ މޯލްޑިކެއަރގެ އާ ކްލިނިކް ހުޅުވައިފިއެވެ.
މި ކްލިނިކް ހުޅުވާފައިވަނީ ބުރުޒުމަގު ޑރ ޑީޑީ ޑެންޓަލް ސެންޓަރުގެ ކުރިމަތީގައެވެ. މި ކްލިނިކް ހުޅުއްވައިދެއްވީ އިންޑިއާގެ މައިތުރާ ހޮސްޕިޓަލްގެ ޗެއާމަން އަލީ ފައިސަލްއެވެ.
މި ކްލިނިކަކީ އެންމެ ޒަމަނީ ވަސީލަތްތަކާއެކު ބަލިމީހުންނަށް ފަރުވާ ދެވޭ ގޮތަށް ތައްޔާރުކޮށްފައިވާ ކްލިނިކެކެވެ. އެގޮތުން މި ކްލިނިކްއިން ލިބިވަޑައިގަންނަވާ ބައެއް ހިދުމަތްތަކުގެ ތެރޭގައި އެކްސްރޭގެ ހިދުމަތާއި ތަފާތު އެކިއެކި ސްކޭންތައް ހެދުމުގެ ހިދުމަތުގެ އިތުރުން ލެބޯޓަރީއެއް ވެސް މި ކްލިނިކްގައި ގާއިމުކުރެވިފައިވެއެވެ. ހަމައެހެންމެ މި ކްލިނިކްއިން ފަރުވާ ހޯއްދަވާ ފަރާތްތަކަށް ބޭސް ލިބޭ ގޮތަށް ކްލިންގައި ބޭސް ފިހާރައެއް ވެސް ގާއިމު ކުރެވިފައިވެއެވެ.
މޯލްޑިކެއަރއިން މައުލޫމާތު ދީފައިވާ ގޮތުގައި މި ކްލިނިކްއިން މިހާރު ވެސް ބަލިމީހުން ބެލުމުގެ ހިދުމަތް ވަނީ ފަށާފައެވެ. އެގޮތުން ބަލިމީހުން ބެއްލެވުމަށް މި ކްލިނިކްގައި ސްޕެޝަލިސްޓު ޑޮކްޓަރުންނާއި ސުޕަރ ސްޕެޝަލިސްޓް ޑޮކްޓަރުން ތިއްބަވާނެ ކަމަށް މޯލްޑިކެއަރއިން ބުނެފައިވެއެވެ. އެގޮތުން މި ކްލިނިކްގައި ރާއްޖެއާއި ރާއްޖެއިން ބޭރުގެ ޑޮކްޓަރުން ބައްލަވާނެކަމަށް މައުލޫމާތު ދީފައިވެއެވެ.
މޯލްޑިކެއަރއަކީ ކުޑަ ދުވަސްކޮޅެއްގެ ތެރޭގައި ރާއްޖޭގެ ރައްޔިތުންގެ މެދުގައި އިތުބާރު ހޯދާފައިވާ ކުންފުންޏެކެވެ.
