ކަރަން ޖޯހަރާއި އެކީގައި މަސައްކަތް ކުރަން ލިބުމަކީ ސަޅިކަމެއް: ރާޒީގެ އެކްޓަރ ވިކީ ކޯޝަލް

އަންނަ މެއިމަހުގެ 11 ގައި ރިލީޒްކުރަން ހަމަޖެހިފައިވާ ހިންދީ ފިލްމު ރާޒީގެ ޕްރޮޑިއުސަރ ކަރަން ޖޯހަރާއި އެކީގައި މަސައްކަތް ކުރަން ލިބުމަކީ "ސަޅި" ކަމެއް ކަމަށް އެ ފިލްމުގެ އެކްޓަރ ވިކީ ކޯޝަލް ބުނެފިއެވެ.

ވިކީ ކޯޝަލް މި ފިލްމުން ފެނިގެންދާނީ އާލިއާ ބަޓްގެ ފިރިމީހާގެ ރޯލުންނެވެ. އޭނާއަކީ ޕާކިސްތާނުގެ މިލިޓަރީ އޮފިސަރެކެވެ.

ވިކީ ބުނީ ކަރަން ޖޯހަރަކީ ފިލްމެއްގައި މަސައްކަތް ކުރުމަށް އެންމެ ފަސޭހަ އެއް ޕްރޮޑިއުސަރ ކަމަށެވެ.

"ކަރަން އާއި އެކީ މަސައްކަތް ކުރަން ލިބުމަކީ ވަރަށް ސަޅިކަމެއް. ރާޒީކަހަލަ ރަނގަޅު ފިލްމެއްގައި މަސައްކަތް ކުރުމަށް ލިބުމަކީ އަމިއްލަ ކޮންފިޑެންސް ރަނގަޅަށް ދައްކާލެވޭނެ ކަމެއް،" ވިކީ ކޯޝަލް ބުންޏެވެ.

ރާޒީގެ އިތުރުން ވިކީ ކޯޝަލްގެ މަންމަރްޒިޔާން ވެސް މިއަހަރު ސިނަމާތަކަށް އަންނާނެއެވެ. އަނޫރާގް ކެޝަޕް ޑައިރެކްޓް ކުރާ މި ފިލްމުގައި އޭނާގެ އިތުރުން ތާޕްސީ ޕަންނޫ އަދި އަބީޝެކް ބައްޗަން ފެނިގެންދާނެއެވެ.

އެފިލްމާއި ބެހޭގޮތުން އޭނާ ބުނީ" ފިލްމުގެ ޝޫޓިން މިހާރު ނިމިއްޖެ. ދެމަސްވަންދެކަ އަހަރެމެން އިންޑިއާގެ ކަޝްމީރާއި އަމްރިތުސަރް ގައި ޝޫޓްކޮން ނިންމާލީ. މިހާރު އެފިލްމުގެ ކުރިއަށް ދަނީ އެޑިޓިންގެ މަސައްކަތް. މިފިލްމު ސިނަމާތަކަށް އަންނާނީ އަންނަ ސެޕްޓެމްބަރު 7 ގައި. އަހަރެން އުއްމީދު ކުރަނީ މިއަހަރަކީ އަހަންނަށް ނަސީބުގެ އަހަރަކަށް ވާނެކަމަށް." ވިކީ ކޯޝަލް ބުންޏެވެ.

ވިކީ މިއަހަރު ފެނިގެންދާނެ އަނެއް ފިލްމަކީ ސަންޖޭދަތުގެ ބައޮޕިކް ފިލްމު ސަންޖޫއިންނެވެ. ސަންޖޫއިން އޭނާ ފެނިގެންދާނީ ރަންބީރު ކަޕޫރުގެ ރައްޓެއްސެއްގެ ރޯލުންނެވެ.