ލަވަކިޔުންތެރިޔާ ކާންޔޭ ވެސްޓުގެ ދެ އަލްބަމެއް އަންނަ ޖޫންގައި ނިކުންނާނެއެވެ.
ކާންޔޭ ވެސްޓު ބުނެފައިވަނީ ފުރަތަމަ އަލްބަމް ރިލީޒް ކުރާނީ އަންނަ ޖޫންމަހުގެ 1 ގައި ކަމަށެވެ. ދެވަނަ އަލްބަމް ނެރޭނީ ޖޫން މަހުގެ 8 ވަނަ ދުވަހުގައި ލަވަކިޔުންތެރިޔާ އަދި އެކްޓަރ ކިޑް ކުޑީ އާއި ގުޅިގެން ނެރޭ އަލްބަމެކެވެ. އެ އަލްބަމުގެ ނަމަކީ ކިޑްސް ސީ ގޯސްޓެވެ.
ކާންޔޭ ޖޫން މަހުގެ 1 ގައި ނެރޭ އަލްބަމުގެ ނަން ހާމަކޮށްފައި ނުވި ނަމަވެސް ޚަބަރުތައް ބުނާގޮތުގައި ހަތްލަވަ ހިމެނޭ އެ އަލްބަމްގެ ނަމަކީ ޓާބޯ ގްރެފިކްސް 16 އެވެ.
ކާންޔޭވަނީ އޭނާގެ އަލްބަމުގެ ކަވަރ ގައި ފެނިގެންދާނީ މަރުވެފައިވާ އޭނާގެ މަންމަ ޑޮންޑާ ވެސްޓުގެ ސާޖަންޓް އަދި ޕްލާސްޓިކް ސާޖަރީ ޑޮކްޓަރ ޖެން އެޑަމް ކަމަށް ބުނެފައެވެ. ކާންޔޭ ހޮނިހިރު ދުވަހު ކޮށްފައިވާ ޓްވީޓެއްގައި ޖެން އެޑަމްގެ ފޮޓޯއެއްހިމެނޭ ޗެޓް ލޮގްގައި ބުނެފައިވަނީ އެއީ އޭނާގެ އަލްބަމްގެ ކަވަރ ކަމަށެވެ. އެ ޑޮކްޓަރަކީ އޭނާގެ މަންމަ އެންމެ ފަހުން ހަދާފައިވާ ސާޖަރީގެ ޑޮކްޓަރު ކަމަށެވެ.
ކާންޔޭގެ މަންމަ ޑޮންޑާ ވެސްޓް މަރުވެފައިވަނީ އޭނާ ހަދާފައިވާ ޕްލާސްޓިކް ސާޖަރީގެ ސަބަބުން މެއަށް ކުއްލިއަކަށް ތަދެއް އަރައިގެން 2007 ވަނަ އަހަރުގެ ނޮވެމްބަރު މަހުއެވެ. އޭނާ މަރުވީ އެމެރިކާގެ ކެލެފޯނިއާގެ ހޮސްޕިޓަލެއްގައެވެ.
— KANYE WEST (@kanyewest) April 28, 2018
ޑޮންޑާގެ މަރާއި ގުޅިގެން 2008 ވަނައަހަރުގެ ޖެނުއަރީގައި އެމެރިކާގެ ލޮސްއެންޖަލްސްއިން ހާމަކޮށްފައިވާ އޮޓޮޕްސީ ރިޕޯޓެއްގައި ބުނެފައިވަނީ އޭނާ މަރުވީ ޕްލާސްޓިކް ސާޖަރީއަށް ފަހު އޭނާއަށް ދިމާވި ހިތުގެ ބައްޔެއްގެ ސަބަބުންކަމަށެވެ.
"އަހަރެން ބޭނުންވަނީ އޭނާއަށް މާފު ކުރަން. އަދި ނަފްރަތު ކުރުން ހުއްޓާލަން. އެންމެން ދެކެވެސް ލޯބިވަން." ކާންޔޭ ކޮށްފައިވާ ޓްވީޓުގެ ޗެޓްލޮގްގައިވެއެވެ.
ކާންޔޭ އެނެމް ފަހުން އަލްބަމެއް ރިލީޒް ކޮށްފައިވަނީ 2016 ވަނަ އަހަރުގައެވެ. ދަ ލައިފް އޮފް ޕްބްލޯ ގެ ނަމުގައި ނެރުނު އަލްބަމްގެ އިތުރުން ކާންޔޭ ނެރުނު އެހެން އަލްބަމްތަކަށް ބަލާއިރުލޭޓް ރެޖިސްޓްރޭޝަން (2005)، ގްރެޖުއޭޝަން (2007)، 808 އެންޑް ހާޓްބްރޭކް (2008)، މައި ބިއުޓިފުލް ޑާކް ޓްވިސްޓެޑް ފެންޓަސީ (2010)، ވޮޗް ދަ ތުރޯން (2011) އަދި ޔީޒަސް (2013) ހިމެނެއެވެ.
މަޝްހޫރު ރިއަލިޓީޝޯ ކީޕިން އަޕް ވިތު ކާޑޭޝިއަންސްގެ ތަރިއެއް ކަމަށްވާ މަޝްހޫރު ތަރި ކިމް ކާޑޭޝިއަން އާއި ކައިވެނިކޮށްގެން އޭނާއަށް ވަނީ 3 ދަރިން ލިބިފައެވެ. އެއީ ނޯތު ވެސްޓް، ސެއިންޓް ވެސްޓް އަދި ޝިކާގޯ ވެސްޓެވެ.
