ފޭސްބުކްގައި މަންމަ ޝެއާ ކޮށްފައިވާ ޕޯސްޓްތަކުގެ ބަދަލު ޒައިރާ އަށް!
މަންމަ ފޭސްބުކްގައި ކޮށްފައިވާ ޕޯސްޓްތައް
"ޑަންގަލް" ގެ ލީޑް ރޯލުން ފެނިގެންދާ ތަރިން.
ދާދި ފަހުން ބެލުންތެރިންގެ މަގުބޫލުކަން ހޯދާފައިވާ އާމިރްޚާންގެ ފިލްމު " ޑަންގަލް " ގައި ފެނިގެންގޮސްފައިވާ ޒައިރާ ވާސިމަށް އޭނާގެ މަންމަ ފޭސްބުކުގައި ޝެއާކޮށްފައިވާ ޕޯސްޓްތަކަށް މީހުން ރައްދު ދޭންފަށައިފިއެވެ.
ބޮކްސް އޮފީހުގައި ސުޕަހިޓަކަށް ވެފައިވާ " ޑަންގަލް " ގައި ކުޑަ އަންހެންކުއްޖެއްގެ ރޯލުން ފެނިގެންގޮސްފައިވާ ޒައިރާއަށް މިފަހަކަށް އައިސް ސޯޝަލް މީޑިއާގައި ދަނީ ތަފާތުއެކި އުނދަގޫތަކާއި ކުރިމަތިވަމުންނެވެ. މީގެ މައިގަނޑު ސަބަބަކަށް ވެފައިވަނީ ޒައިރާގެ މަންމަ 2014 ވަނަ އަހަރު ފޭސްބުކުގައި ކޮށްފައިވާ ޕޯސްޓްތަކެއްކެއްގެ ސަބަބުންނެވެ.
" ޑަންގަލް " ގައި ޕާކިސްތާނުގެ އަތުން އިންޑިއާ ރެސްލިން މުބާރާތެއްގައި ކުރިހޯދާތާން ދައްކައިދީފައި ވާއިރު ޒައިރާގެ މަންމަ ޝެއާކޮށްފައިވަނީ އިންޑިއާގެ ރެސްލިން ޓީމާ ދެކޮޅު ޕޯސްޓްތަކެވެ.
ރެސްލިން ކުޅޭހިތްވާ ބައްޕައަކު އޭނާގެ އަންހެންދަރިންނަށް ރެސްލިން ކުޅޭގޮތް ދައްކުވައިދޭ މި ފިލްމް ރިލީޒް ކޮށްފައިވަނީ މިދިޔަ އަހަރުގެ ޑިސެމްބަރު މަހުގެ 23 ވަނަ ދުވަހުއެވެ.
