އެމެރިކާގެ ހޯމްލޭންޑް ސެކިއުރިޓީ އެޑްވައިޒަރ އިސްތިއުފާ ދެއްވައިފި
10 އެޕްރީލު 2018 | އަންގާރަ 23:09އިސްތިއުފާ ދެއްވަން އަންގަމުންދިޔަކަމަށް ސީބީއެސް ރިޕޯޓްކުރޭ
ރައީސް ޓްރަމްގެ ވެރިކަމުގައި މިހާތަަށް ވައިޓް ހައުސްގެ ތިރީހަކަށް އޮފިޝަލުން މަގާމުން ވަކިކުރައްވައި ނުވަތަ އިސްތިއުފާދެއްވާފައިވޭ
އެމެރިކާގެ ހޯމްލޭންްޑް ސެކިއުރިޓީ އެޑްވައިޒަރ ޓޮމް ބޮސަރޓް މަގާމުން އިސްތިއުފާ ދެެއްވާފައިވާކަމަށް ރިޔާސީ ގަނޑުވަރު، ވައިޓް ހައުސްއިިން ބުނެފިއެެވެ.
"އަޅުގަނޑުމެންމެ މި ގައުމުގެ ސަލާމަތާއި ރައްކާތެރިކަމަަށް ޓޮމް ދެއްވި އަހައްމިއްޔަތުކަމަށް ރައީސް ޑޮނަލްޑް ޓްރަމްޕް ޝުކުރުވެރިވެ ވަޑައިގަންނަވާ" ކަމަށް ވައިޓްހައުސްގެ ތަރުޖަމާނު ސާރާ ހަކަބީ ވިދާޅުވިއެވެ.
އޭނާ މަގާމުން އިސްތިއުފާ ދެއްވާފައި މިވަނީ ރައީސް ޓްރަމްޕްގެ ޤައުމީ ސަލާމަތާއި ބެހޭ މުޝީރުކަމަށް،، މީގެ ކުރިން އެމެރިކާއިން އދއަށް ކަނޑައަޅާފައި ހުންނެވި މަންދޫބު ޖޯން ބޯލްޓަން އައްޔަން ކުރެއްވިތާ އެއްދުވަސް ތެރޭގައެވެ.
ރައީސް ޓްރަމްގެ ވެރިކަމުގައި މިހާތަަށް ވައިޓް ހައުސްގެ ތިރީހަކަށް އޮފިޝަލުން މަގާމުން ވަކިކުރައްވައި ނުވަތަ އިސްތިއުފާ ދެއްވާފައިވެއެވެ.
އަންގާރަ ދުވަހު ވައިޓް ހައުސްއިން ނެރުނު ބަޔާނުގައި ބޮސަރޓް އިސްތިއުފާ ދެއްވި ސަބަބެެއް ހާމަކޮށްފައެއް ނުވެއެވެ.
ހޯމްލޭންޑް ސެކިއުރިޓީއާއި ކައުންޓަރ ޓެރެރިޒަމްގެ ކަންކަމުގައި ރައީސް ޓްރަމްޕްގެ އެސިސްޓެންޓެއްގެ ގޮތުގައި މަސައްކަތް ކުރައްވާފައިވާ ބޮސަރޓް އިސްތިއުފާ ދެއްވީ ރައީސް ޓްރަމްގެ ސަރުކާރުން ބާރު އަޅައިގެންކަމަށް ސީބީއެސްއިން ރިޕޯޓްކުރެއެވެ.
