ރާޒީގެ ޓްރެއިލާ: އާލިއާ ޖާސޫސެއްގެ ރޯލުން

އަންނަ މެއި މަހުގެ 11 ވަނަ ދުވަހު ރިލީޒްކުރާ ކަރަން ޖޯހަރުގެ ފިލްމު "ރާޒީ" ގެ ޓްރެއިލާ އާންމު ކޮށްފައި ވަނީ އަންގާރަ ދުވަހުގެ ހެނދުނުއެވެ.

ފިލްމުގެ ޕްރޮޑިއުސަރ ކަރަން ޖޯހަރުގެ ރަސްމީ ޓްވިޓާ އެކައުންޓުން އާންމުކޮށްފައިވާ މި ޓްރެއިލާގައި އާލިއާ ބަޓް ފެނިގެންދަނީ ޖާސޫސެއްގެ ރޯލުންނެވެ. ޓްރެއިލާ އިން އާލިއާގެ ބައްޕަގެ އެދުމަށް ޖާސޫސުކުރުމަށް އޭނާ ވިކީ ކޯޝަލްއާ ކައިވެނި ކުރެއެވެ. އޭނާއަކީ ޕާކިސްތާނުގެ މިލިޓަރީ އޮފިސަރެކެވެ. އާލިޔާ ފެނިގެންދަނީ ޕާކިސްތާނުގެ ސިފައިންގެ މީހަކާ ކައިވެނިކޮށްގެން އުޅޭ ކަޝްމީރުގެ އަންހެނެއްގެ ރޯލެވެ. އާލިއާއަކީ އިންޑިއާގެ ޖާސޫސީ އިދާރާގެ ޖާސޫސެކެވެ. ރާޒީގެ ލީޑު ރޯލުން ފެނިގެންދާނީ އާލިއާ ބަޓްގެ އިތުރުން ވިކީ ކައުޝަލްއެވެ.

ޖަންގްލީ ޕިކްޗާސް އާއި ކަރަން ޖޯހަރުގެ ދަރްމާ ޕްރޮޑަކްޝަންސް އިން ޕްރޮޑިއުސްކުރާ މި ފިލްމަކީ "ކޯލިން ސެހްމަތު" ނަމަކަށް ކިޔާ ފޮތަކަށް ބިނާކޮށް އުފައްދާފައިވާ ފިލްމެކެވެ. މި ފިލްމަކީ 1970ގެ އަހަރުތަކުގެ ތެރޭގައި ހިނގި ހަގީގީ ހާދިސާއެއްގެ މައްޗަށް ބިނާކޮށް ގެނެސްދޭ ފިލްމެކެވެ.

އާލިއާގެ މަންމަގެ ރޯލު މި ފިލްމުން ފެނިގެންދަނީ އޭނާގެ އަސްލު މަންމަ ސޯނީ ރަޒްދާނެވެ.