އިހަވަންދޫގައި މިރޭ އިދިކޮޅު ފަރާތްތަކުން ޖައްސާއެއް ބާއްވަނީ
6 އެޕްރީލު 2018 | ހުކުރު 08:38ޖަލްސާ ފަށަނީ މިރޭ 9 ޖަހާއިރު
އިހަވަންދޫގައި ބާއްވާ ޖަލްސާގައި ބައިވެރިވަޑައިގަންނަވާ ބޭފުޅުން އެއާޕޯޓްގައި
ހއ. އިހަވަންދޫގައި ގުޅިފައިވާ ޕާޓީތަކުގެ ހާއްސަ ޖަލްސާއެއް މިރޭ ބާއްވަން ނިންމައިފިއެވެ.
މިރޭ 9 ޖަހާއިރު ފަށާ މިޖަލްސާގައި ގުޅިފައިވާ ޕާޓީތަކުގެ އިސް ބޭފުޅުންނާއި، ބައެއް މަޖިލިސް މެންބަރުން ބައިވެރިވެ ވަޑައިގަންނަވާނެއެވެ. އޭގެ ތެރޭގައި އެމްޑީޕީ ޕާލަމެންޓަރީ ގުރޫޕްގެ ލީޑަރު އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ކުރީގެ ރައީސް އަބްދުﷲ ޝާހިދާއި އިހަވަންދޫ ދާއިރާގެ މެމްބަރު މުހައްމަދު އަބްދުﷲ (މުހައްމާ) އާއި ކެންދޫ ދާއިރާގެ މެމްބަރު އަލީ ހުސައިނާއި، ވިލިނގިލީ ދާއިރާގެ މެމްބަރު ސައުދު ހުސައިނާއި ތިމަރަފުށީ ދާއިރާގެ މެމްބަރު މުހައްމަދު މުސްތަފާ ހިމެނިވަޑައިގަންނަވައެވެ.
ގުޅިފައިވާ ސިޔާސީ ޕާޓީތަކުން ފެބްރުއަރީ މަހުގެ 2 ވަނަ ދުވަހު ވެސް ހއ. އިހައްވަންދޫގައި ހާއްސަ ޖަލްސާއެއް ބޭއްވުމަށް ހަމަޖެއްސުއެވެ. އެހެން ނަމަވެސް އެ ޖަލްސާ ފަސްކޮށްފައި ވަނީ ތަފާތު އެކިކަހަލަ ޖަލު ޙުކުމް އައިސްފައިވާ ސިޔާސީ ލީޑަރުންނާއި އެކި ތުހުމަތުގައި ޖަލަށް ލާފައިވާ ސިޔާސީ ލީޑަރުން މިނިވަން ކުރުމަށް ފެބްރުއަރީ 1 ގައި ސުޕްރީމް ކޯޓުން އަމުރު ކުރުމާ ގުޅިގެންނެވެ.
