މަސްތައް މަރުވިފަހުން ރަސްރަނި ބަގީޗާގެ މަސްފެންގަނޑު ބަލަހައްޓާނެ ފަރާތެއް ހޯދަނީ!

ރަސްރަނި ބަގީޗާގައި ހުރި ފެންއަރުވާވަޑާމާއި މަސް ފެންގަނޑު ބެލެހެއްޓުމަށް ބަޔަކާ ހަވާލުކުރުމަށް ހައުސިން މިނިސްޓްރީން ނިންމައި އެއް އަހަރު ދުވަހުގެ މުއްދަތައް އެތަންތަން ބަލަހައްޓައިދޭނެ ފަރާތެއް ހޯދަން އިއުލާނުކޮށްފިއެވެ.

ހައުސިން މިނިސްޓްރީން މި އިއުލާނުކޮށްފައި ވަނީ، މިދިޔަ އަހަރުގެ އޯގަސްޓުމަހުގެ ތެރޭގައި ހުޅުވި ރަސްރަނި ބަގީޗާގައި ހަދާފައިވާ މަސް ފެންގަނޑުގެ މަސްތައް މަރުވި މައްސަލައެއް ހޯމަދުވަހު ފެންމަތިވެފައި ވަނިކޮށެވެ.

މަސް ފެންގަނޑުގައި ހުރި މަސްތައް އެއްފަހަރާ މަރުވާން މެދުވެރިވި ސަބަބެއް ނޭނގެއެވެ.

މަސްފެންގަނޑުގެ މަސްތައް މަރުވި މައްސަލައާ ގުޅިގެން ހައުސިން މިނިސްޓްރީ އަދި މިހާތަނަށް އެއްވެސް އެއްޗެެއް ބުނެފައެއް ނުވެއެވެ.