ރައީސްގެ ދެކަނބަލުން މިފަހަރު އީދު ސަލާމް ކުރެއްވުން ރަސްރަނި ބަގީޗާގައި
11 ޖޫން 2018 | ހޯމަ 07:10އީދު ސަލާމް ކުރެއްވުން އޮންނާނީ އީދު ދުވަހު ހެނދުނު 9:00 އިން 10:00 އަށް
ރައީސްގެ ދެކަނބަލުން އީދު ސަލާމް ކުރައްވަނީ
ރައީސް އަބްދުﷲ ޔާމީންގެ ދެކަނބަލުން ފިތުރު އީދު ދުވަހު އީދު ސަލާމް ކުރެއްވުން ބާއްވަން ހަމަޖެހިފައިވަނީ ރަސްރަނި ބަގީޗާގައި ކަމަށް ރައީސް އޮފީހުން ބުނެފިއެވެ
ރައީސް އޮފީހުގެ ތަރުޖަމާނު އިބްރާހީމް މުއާޒު އަލީ ވިދާޅުވީ ފިތުރު އީދު ދުވަހު ރައީސްގެ ދެކަނބަލުން އީދު ސަލާމް ކުރެއްވުން އޮންނާނީ ރަސްރަނި ބަގީޗާގައި އީދު ދުވަހުގެ ހެނދުނު 9:00އިން 10:00 އަށް ކަމަށެވެ.
މުއާޒު ވިދާޅުވީ އީދު ސަލާމް ކުރުމަށް ވީހާ ވެސް ގިނަ ބަޔަކު ވަޑައިގެންނެވުމަށް ރައީސްގެ ދެކަނބަލުން ދައުވަތު އަރުވާ ކަމަށެވެ.
ކަލަންޑަރުގައިވާ ގޮތުން މިއަހަރުގެ ފިތުރު އީދު ދުވަހަކަށް ވާނީ ހުކުރު ދުވަހެވެ. އިސްލާމީ ގިނަ ގައުމުތަކާ ހިލާފަށް ރާއްޖޭގައި ރޯދަ ހިފަން ފެށީ އެއް ދުވަސްކުރިންނެވެ.
