ސަލްމާން ޚާން ރާއްޖޭގައި
3 އެޕްރީލު 2018 | އަންގާރަ 04:02ސަލްމާން ރާއްޖެ އައިސްފައިވަނީ އިއްޔެ
ސަލްމާން ޚާން
މަޝްހޫރު ތަރި ސަލްމާން ޚާނާއި އޭނާގެ އާއިލާ ރާއްޖޭގައި ޗުއްޓީ ހޭދަކުރަމުން އެބަދެއެވެ.
ސަލްމާނާ އެކު މިފަހަރުގެ ދަތުރުގައި އައިސްފައި ވަނީ އޭނާގެ ދެ ކޮއްކޮ ކަމަށް ވާ އަރްބާޒް ހާނާއި ސުހައިލް ޚާނެވެ. ސަލްމާނާއި އޭނާގެ އާއިލާ މާލެ އައިސްފައި ވަނީ އިއްޔެއެވެ. އެތިން މީހުންނާއި އެކު ވެލާނާ އިންޓަނޭޝަނަލް އެއާޕޯޓްގައި ބައެއް މީހުން ނަގާފައިވާ ފޮޓޯތައް ސޯޝަލް މީޑިއާގައި ދަނީ ދައުރުވަމުންނެވެ.
ސަލްމާން ރާއްޖެ އައިސްފައި ވަނީ އޭނާގެ އަންހެން ކޮއްކޮ އަރްޕިތާ ހާންގެ ދަރިފުޅު އާހިލް ޝަރްމާގެ ދެވަނަ އުފަންދުވަސް ދުބާއީގައި ފާހަގަ ކުރުމަށް ފަހުގައެވެ. އާހިލް ޝަރުމާގެ ފުރަތަމަ އުފަންދުވަސް ފާހަގަ ކުރުމަށް މިދިޔަ އަހަރު ވެސް ސަލްމާނާއި އާއިލާ ރާއްޖެ އައިސްފައިވެއެވެ.
ސަލްމާނާއި އަރްބާޒް ހާނާއި ސުހައިލް ޚާން ރާއްޖޭގައި ޗުއްޓީ ހޭދަކުރަމުންދާއިރު ޗުއްޓީ ހޭދަ ކުރަމުން ދާނީ ކޮން ރިސޯޓެއްގައިކަން ޔަގީނެއް ނުވެއެވެ.
ސަލްމާން އެންމެ ފަހުން ފެނިގެން ގޮސްފައި ވަނީ ކާމިޔާބު ފިލްމު "ޓައިގާ ޒިންދާހޭ" އިންނެވެ. އެފިލްމަށް ވަނީ ބޮޑު ތަރުހީބެއް ލިބިފައެވެ. ސަލްމާން ޚާން ފިލްމަކުން ދެން އެންމެ އަވަހަށް ފެނިގެންދާނީ އަންނަ ޖޫން މަހު ރިލީޒް ކުރާ "ރޭސް3" އިންނެވެ. މިފިލްމުގެ ޝޫޓިން އަބޫދާބީގައި މިހާރު ވަނީ ނިންމާލާފައެވެ. އޭނާ ޝޫޓުކުރަން ހަމަޖެހިފައިވާ "ބާރަތު"ގެ ޝޫޓިން މިމަހުގެ ތެރޭގައި ފަށާނެއެވެ.
