ލ. ފޮނަދޫގައި ޒުވާނަކަށް ކަތިވަޅިއަކުން ހަމަލާދީ ޒަހަމްކޮށްލައިފި
ކަތިވަޅިއަކުން މީހަކަށް ހަމަލާދީ ޒަހަމްކޮށްލާފައިވަނީ އާދީއްތަ ދުވަހުގެ ރޭ 7:30 ހާއިރު
ކަތިވަޅިން ހަމަލާދީ ޒަހަމްކޮށްލާފައިވާ ޒުވާނާގެ ފައި
ލ. ފޮނަދޫގައި ކަތިވަޅިއަކުން ހަމަލާދީ މީހަކު ޒަހަމްކޮށްލައިފިއެވެ.
ފޮނަދޫގައި، ކަތިވަޅިއަކުން މީހަކަށް ހަމަލީދީ ޒަހަމްކޮށްލާފައިވަނީ އާދީއްތަ ދުވަހުގެ ރޭ 7:30 ހާއިރުއެވެ. އަދި ފުލުހުންވެސް ވަނީ އެކަން މީޑިއާތަކަށް ކަށަވަރުކޮށްދެއްވާފައެވެ.
ނަމަވެސް މައްސަލައިގެ އިތުރު ތަފްސީލެއް ފުލުހުން ހާމަކޮށްފައެއް ނުވެއެވެ.
ރާއްޖެޓީވީއަށް އެނގިފައިވާ ގޮތުގައި ކަތިވަޅިއަކުން ހަމަލާދީ ޒަހަމްކޮށްލި މީހާގެ ފައިގެ ދެ ތަނަކަށް ހަމަލާދީފައިވެއެވެ. އަދި އޭނާއަށް ހަމަލާދިނީ ގުރޫޕަކުންކަމަށް މައުލޫމަތު ލިބިފައިވެއެވެ.
ޒަހަމްވި ޒުވާނާއަށް ފުރަތަމަ ފަރުވާދީފައިވަނީ ފޮނަދޫ ސިއްހީ މަރުކަޒުގައެވެ. އަދި އެއަށްފަހު އިތުރު ފަރުވާއަށް ލ. ގަމުގައި ހުންނަ ރީޖަނަލް ހޮސްޕިޓަލަށް އޭނާ ގެންގޮސްފައިވެއެވެ.
