މާފަންނު ގެއަކަށްވަދެ ވަޅި ހަރާ ދެ މީހަކު ޒަހަމްކޮށްލައިފި އެވެ.

ފުލުހުން ބުނީ، އޭއެމްޑީސީ ކްލިނިކް ކާއިރީގައި މާރާމާރީ ހިނގައި ދެ މީހަކު ޒަހަމްކޮށްލާފައިވާ ކަމަށެވެ. މިހާދިސާ ހިނގާފައިވަނީ މެންދުރު 02:10 ކަން ހާއިރު ކަމަށާއި ޒަހަމްވި ދެމީހުންނަށް ފަރުވާ ދެމުންދާ ކަމަށް ވެސް ފުލުހުން ބުނެ އެވެ.

ރާއްޖެއެމްވީއަށް މައުލޫމާތު ލިބިފައިވާގޮތުގައި މިހާދިސާ ހިނގާފައިވަނީ ފީރޯޒް މަގު ހުންނަ، މ.މާހަލް ގެއަށް ބަޔަކު ވަދެކަމަށެވެ. ޒަހަމްވެފައިވަނީ ދެމަފިރިން ކަމަށްވެސް ރާއްޖެއެމްވީއަށް ވަނީ މައުލޫމާތު ލިބިފަ އެވެ.

މިހާދިސާގެ އިތުރަށް އާދިއްތަ ދުވަހުގެ މެންދުރު 1:45 ހާއިރު މީހެއްގެ ގަޔަށް ވަޅި ޖަހާފައިވެ އެވެ. މިހާދިސާ ހިނގާފައިވަނީ ސުޕްރީމް ކޯޓު ކައިރީގަ އެވެ.