ތޫނު އެއްޗަކުން މީހަކަށް ހަމަލާދީ، ފިލަން ދަނިކޮށް އެކްސިޑެންޓްވެ ހޮސްޕިޓަލަށް!
9 ޖުލައި 2017 | އާދީއްތަ 20:12ޒަޚަމްވި މީހާ ވަނީ ހޮސްޕިޓަލަށް ގެންދެވިފައި
މަރާމާރީ ހިންގާފައިވަނީ ދެ ގުރޫޕެއްގެ ދެމެދުގައި ހިނގި ހަމަނުޖެހުމެއްގެ ސަބަބުން
ތޫނު އެއްޗަކުން ހަމަލާދީ ޒުވާނަކު ޒަޚަމްކޮށްލައިފިއެވެ. ޒުވާނާއަށް ހަމަލާދީފައިވަނީ، އާދިއްތަ ދުވަހުގެރޭ މެންދަމު 12.30 ހާއިރުކަމަށް ވަނީ މައުލޫމާތުލިބިފައެވެ.
ރާއްޖެއެމްވީއަށް މައުލޫމާތު ދެމުން މަންޒަރު ދުށް މީހަކު ބުނީ، ހަމަލާދިން މީހާ އެ އަމަލު ހިންގުމަށްފަހު ސައިކަލަށް އަރައި ދުއްވައިލިތަނުން އެކްސިޑެންޓް ވުމުން އެނާ ވަގުތުން ސިފައިންގެ ސެނެހިޔާ ހޮސްޕިޓަލަށް ގެންދެވިފައިވާ ކަމަށެވެ.
އަދި އަނިޔާ ލިބުނު މީހާވެސް މިހާރު ހޮސްޕިޓަލަށް ގެންދެވިފައިކަމަށްވާ ކަމަށް މައުލޫމާތު ލިބެއެވެ.
ރާއްޖެއެމްވީއަށް އެނގިފައިވާ ގޮތުގައި މި ހަމަލާއަކީ، ހޮނިހިރު ދުވަހުގެރޭ ދެ ގުރޫޕެއްގެ ދެމެދުގައި ހިނގި މާރާމާރީގެ ބަދަލު ހިފުމުގެ ގޮތުން ދިން ހަމަލާއެކެވެ.
މި މާރާމާރީއާއި ގުޅިގެން ފުލުހުންނަށް ގުޅާލުމުން ވިދާޅުވީ، "ޖެހޭނީ ޗެކްކޮށްލަން" ކަމަށެވެ.
