ރާއްޖެ
އައްޑޫ ސިޓީ
ލިންކް ރޯޑްގައި ބައިސްކަލަކާ ކާރެއް ޖެހި މީހަކަށް އަނިޔާވެއްޖެ
ސީރިއަސް އަނިޔާއެއް ނުލިބޭ
އަހުމަދު މުހުސިނު, ރާއްޖެ އެމްވީ | 1 އެޕްރީލު 2018 | އާދީއްތަ 17:39
އެކްސިޑެންޓްވި ބައިސްކަލް
އައްޑޫ ސިޓީ، ލިންކް ރޯޑުގައި ދުއްވާފައި ދިޔަ ކާރަކާ ބައިސްކަލެއް ޖެހި ހިނގި އެކްސިޑެންޓެއްގައި އުމުރުން ދުވަސްވީ މީހަކަށް އަނިޔާވެއްޖެއެވެ.
ރާއްޖެ އެމްވީއަށް މައުލޫމާތު ދެއްވަމުން ފުލުހުންގެ މީޑިޔާ އޮފިޝަލް ވިދާޅުވީ މިރޭ އިރުއޮއްސުނު ވަގުތު ހިނގި މިއެކްސިޑެންޓުގައި އަނިޔާވެފައިވަނީ އުމުރުން 60 އަހަރުގެ ފިރިހެނަކަށް ކަމަށާއި ސީރިއަސް އަނިޔާތަކެއް ލިބިފައި ނުވާ ކަމަށެވެ.
މި އެކްސިޑެންޓް ހިނގާފައި ވަނީ، ފޭދޫ ބަނދަރާއި ދިމާ ލިންކް ރޯޑުންނެވެ.
އެކްސިޑެންޓްގައި އަނިޔާވެފައިވަނީ ބައިސްކަލް ދުއްވަން އިން އުމުރުން ދުވަސްވީ މީހާއަށެވެ. އޭނާއަށް ފޭދޫ ސިއްހީ މަރުކަޒުގައި ފަރުވާދީފައިވެއެވެ.
