ދެ ވަނަ ބޮޑު ހަނގުރާމައިގައި ޖަޕާނުން ވައިގެމަގުން ދިން ބޮމުގެ ހަމަލާތަކެއްގައި ފައްތާލި އިނގިރޭސިވިލާތުގެ ފަސިންޖަރުން އުފުލާ ބޯޓެއް 75 އަހަރަށް ފަހު ސްރީ ލަންކާގެ އައްސޭރިފަށުން ނަގައިފިއެވެ.
ސްރީ ލަންކާގެ ކަނޑުގެ ސިފައިންގެ ޑައިވަރުންގެ އެހީތެރިކަމާއިއެކު ނަގާފައިވާ މި ބޯޓަކީ 1942 ވަނަ އަހަރުގެ ފަހުކޮޅު އަޑިޔަށް ދިޔަ ބޯޓެކެވެ. އެސް އެސް ސެގައިންގ ގެ ނަންދީފައިވާ މި ބޯޓުން ދަތުރުކުރި ފަސިންޖަރުންނާއި ގިނަ އަދަދެއްގެ ކާގޯ ސަލާމަތްކުރެވިފައިވެއެވެ.
މި ބޯޓް އޮތީ ލަންކާގެ ޓްރިންކޮމަލީ ހާބަރުގެ 35 ފޫޓު އަޑީގައެވެ.
ބޯޓް ފެން މައްޗަށް ނެގުމުގެ އޮޕަރޭޝަނަށް އެތައް މަސްތަކެއް ނަގާފައިވާއިރު މި އޮޕަރޭޝަން ކުރިޔަށް ގެންގޮސްފައިވަނީ ސްރީލަންކާގެ އީސްޓަރން ނޭވަލް ކޮމާންޑް ޔުނިޓުންނެވެ.
މި އޮޕަރޭޝަނުގެ ތެރެއިން ލަންކާގެ ސިފައިންވަނީ 452 ފޫޓުގެ ދިގު މި ބޯޓުގެ މައިގަނޑު ވަރުގަދަކުރުމުގެ މަސައްކަތްވެސް ކޮށްފައިކަމަށާއި އެ މަސައްކަތް ފަށާފައިވަނީ 11 ސެޕްޓެމްބަރ 2017 ގައި ކަމަށް އެ ގައުމުގެ އަސްކަރިއްޔާއިން ހޮނިހިރު ދުވަހު ނެރުނު ބަޔާނެއްގައި ބުނެފައިވެއެވެ.
