ހއ. އިހަވަންދޫ ގެ ގިނަ އަަދަދެއްގެ ރައްޔިތުން ބޭނުން ކުރަމުންދާ "ނަލަ މައިޒާން" ހަރުގެ ފުލުހުން ރޫޅާލައިފިއެވެ.
މިކަމާ ބެހޭގޮތުން އިހަވަންދޫ ކައުންސިލްގެ ރައީސް މުހަންމަދު ރަޝީދު ވިދާޅުވީ މިހަރުގެ ފުލުހުން ރޫޅާލީ ރާއްޖެ ޓީވީ އެތާ ގިނަ އަަދަދެއްގެ ރައްޔިތުން ބަލަމުން ގެންދާތީ ކަމަށެވެ. އަދި އެ ހަރުގޭގައި ހުންނަނީ ގިނަ ވަގުތު ރާއްޖޭ ޓީވީ އަޅުވާފައި ކަމަށް އޭނާ ވިދާޅުވިއެވެ. އިހަވަންދޫ ބަނދަރު ސަރަހައްދުގައި ހުންނަ "ނަލަ މައިޒާން" ހަރުގެ އަށް ގިނަަ އަދަދެއްގެ ރައްޔިތުން އަންނަ ކަމަށާއި މި ހަރުގެ ރޫޅާލުމުގައި 40 އަކަށް ފުލުހުން ހަރަކާތްތެރިވި ކަމަށް މުހަންމަދު ވިދާޅުވިއެވެ. މުހަންމަދު ވިދާޅުވީ "ނަލަ މައިޒާން" ހަރުގެ އަކީ އިހަވަންދޫ ކަައުންސިލުގެ ބެލުމުގެ ދަށުގައި ހުންނަ ހަރުގެ އެއް ކަމަށެވެ.
މުސާރަ އާއި އިނާޔަތްތައް ވެސް ނުލިބޭ ގޮތައް ހއ. އިހަވަންދޫ ކައުންސިލްގެ ފަސް މެންބަރުން ތިން މަސް ދުވަހަށް އެލްޖީއޭ އިން ވަނީ ސަސްޕެންޑްކޮށްފައެވެ. ލޯކަލް ގަވަރމެންޓް އޮތޯރިޓީ (އެލްޖީއޭ) އިން އިހަވަންދޫ ކައުންސިލް އިދާރާގެ ޒިންމާދާރު ވެރިޔާ މުހައްމަދު އިބްރާހީމަށް ފޮނުވާފައިވާ ސިޓީއެއްގައި ބުނެފައި ވަނީ ޖެނުއަރީ 31 ވަނަ ދުވަހުން ފެށިގެން މުސާރަ އާއި އިނާޔަތްތައް ވެސް ނުލިބޭ ގޮތައް އިހަވަންދޫ ކައުންސިލްގެ 5 މެންބަރުން ތިން މަސް ދުވަހަށް ސަސްޕެންޑް ކޮށްފައިވާ ކަމަށެވެ. އަދި އެމުއްދަތުގައި ފަރުދީ ހައިސިއްޔަތުން ލިބިގަންނަ ޚިދުމަތެއް ކައުންސިލުން ހޯދުން ނޫން ބޭނުމަކު ކައުންސިލްގެ އިދާރާއަށް ވަނުމާއި ކައުންސިލްގެ ލިޔެކިއުންތަކާއި ވަސީލަތްތައް ބޭނުން ކުރުމާއި އެއްވެސް ހައިސިއްޔަތަކުން ކައުންސިލް ތަމްސީލް ކުރުން މަނާކުރުމަށް ވަނީ ޒިންމާދާރު ވެރިޔާއަށް އަންގާފައެވެ.
