ކ. މާލެ
|
19 މާރޗް 2018 | ހޯމަ 17:05
ރައީސް އަަސަދު (މެދުގައި)، ސަރުކާރު ސިފައިންނާ އިރުމަތީ ޣޫތާ ގައި ބައްދަލު ކުރައްވަނީ
ރައީސް އަަސަދު (މެދުގައި)، ސަރުކާރު ސިފައިންނާ އިރުމަތީ ޣޫތާ ގައި ބައްދަލު ކުރައްވަނީ
އޭއެފްޕީ
ސީރިޔާ
އިރުމަތީ ޣޫތާ އަށް ރައީސް އަސަދު ވަޑައިގެން ސަރުކާރު ސިފައިންނާ ބައްދަލު ކުރައްވާ ހިތްވަރު ދެއްވައިފި
 
ސަރުކާރާ ދެކޮޅު ހަނގުރާމަވެރިންގެ ބާރުގެ ދަށުގައި އޮތް އިރުމަތީ ޣޫތާ އަށް ސީރިއާ ސިފައިން ހަމަލާދޭން ފަށާފައި ވަނީ މިދިޔަ މަހު

 

ސީރިޔާގެ އިރުމަތީ ޣޫތާގައި ހަނގުރާމަ ކުރަމުންދާ ސަރުކާރު ސިފައިންނަށް ހިތްވަރު ދެއްވުމުގެ ގޮތުން ރައީސް ބައްޝާރުލް އަސަދު އެ ސަރަހައްދަށް އިއްޔެ ވަޑައިގެންފިއެވެ. 

ރައީސް އަސަދު ޣޫތާ އަށް ވަޑައިގެންނެވެމުން އުފާފާޅު ކުރަމުންދިޔަ ސިފައިންނާ ބައްދަލުކޮށް އަސަދު ވިދާޅުވީ "ސަރުކާރު ސިފައިން ޓެރަރިސްޓުންނާ ދެކޮޅަށް ހަނގުރާމަ ކުރަމުން ދަނީ އެއީ މުޅި ދުނިޔޭގެ ހައްގުގައި ކުރާ ކަމެއް ކަމަށް ދެކިގެން ކަމަށެވެ."

ރިޕޯޓުތައް ބުނާގޮތުން އިރުމަތީ ޣޫތާ އަށް އަސަދު ވަޑައިގެންނެވީ އެމަނިކުފާނުގެ ކާރުކޮޅުގައެވެ. އެ ސަރަހައްދަށް ވަޑައިގެންނެވެމުގެ މަގުމަތީގައި ރައީސް އަސަދު ދެއްވި އިންޓަވިއުއެއްގައި ވިދާޅުވީ އިރުމަތީ ޣޫތާގެ ހަލަބޮލިކަން ހަނގުރާމައަކަށް ނުގޮސް ހައްލު ކުރެވޭނެ ނަމަ އެކަން ކުރީސް ކަމަށެވެ. 

ސަރުކާރާ ދެކޮޅު ހަނގުރާމަވެރިންގެ ބާރުގެ ދަށުގައި އޮތް އިރުމަތީ ޣޫތާ އަށް ސީރިއާ ސިފައިން ހަމަލާދޭން ފަށާފައި ވަނީ މިދިޔަ މަހު ކަމަށްވާއިރު މިހާރު އެ ސަރަހައްދުގެ 80 ޕަސެންޓް ވަނީ ސީރިއާ ސިފައިންގެ ބާރުގެ ދަށަށް ގެނެސްފަ އެވެ. މިދިޔަ ފެބްރުއަރީ 18 ވަނަ ދުވަހު ދޭން ފެށި ހަމަލާތަކުގައި މިހާތަނަށް ވަނީ އިރުމަތީ ޣޫތާގެ އާންމުންގެ 1،400 އަށް ވުރެ ގިނަ މީހުން މަރުވެފަ އެވެ. ސީރިއާގެ ރައީސް ބައްޝާރުލް އަސަދުގެ ސަރުކާރާއި ދެކޮޅު ހަނގުރާމަވެރި ގްރޫޕްތަކުން ކޮންޓްރޯލް ކުރާ އިރުމަތީ ޣޫތާ އަކީ ވެރިރަށް ދިމިޝްޤުގެ ރަށް ބޭރުގައި އޮންނަ ސަހަރެކެވެ. ގާތްގަނޑަކަށް ހަތަރު ލައްކައެއްހާ މީހުން ދިރިއުޅޭ އިރުމަތީ ޣޫތާ އިދިކޮޅު ހަނގުރާމަވެރިންގެ ބާރުގެ ދަށަށް ދިޔުމާއެކު، ސީރިއާގެ ސިފައިން ވަނީ 2013 ވަނަ އަހަރުން ފެށިގެން އެސަހަރު ވަށާލައި، ހިސާރު ކޮށްފައެވެ. 

 

 

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުޝާމް މުހަޢްމަދް
0%
0%
0%
75%
25%
0%
ކޮމެންޓް