ރޭސް3 ގެ އެންމެ ފަހުގެ ޝޫޓިންގައި ސަލްމާން އަބޫދާބީގައި

ޑައިރެކްޓަރ ރޭމޯ ޑިސޫޒާގެ ފިލްމު ރޭސް3ގެ އެންމެ ފަހުގެ ޝޫޓިން ކުރިއަށް ދަނީ ދުބާއީގައިކަމަށް އެޓީމުން ބުނެފިއެވެ.

ރޭމޯ ޑި ސޫޒާ ވަނީ އޭނާގެ އިންސްޓަގްރާމުގައި ފޭނުންނަށް ވަރަށް އަވަހަށް ފިލްމުގެ މުހިއްމު ކަމެއް އާންމުކުރާނެކަމަށް ބުނެފައެވެ. ރޭސް3އިން ފެނިގެންދާނީ ސަލްމާން ޚާނާއި، ބޮބީ ޑިއޯލްއާއި ޖެކުއިލިން ފެނާންޑޭޒްއާއި ޑެއިޒީ ޝާހު، ސާޒިބް ސަލީމް އަދި އަނިލް ކަޕޫރެވެ.

މި ފިލްމުގައި ސަލްމާން ވަނީ އޭނާ އަމިއްލައަށް ލަވައެއް ލިޔެފައެވެ. އެ ލަވަޔަކީ ލޯބީގެ ލަވައެކެވެ. އެލަވައިގެ މިއުޒިކް ހަދާފައި ވަނީ ވިޝާލް މިޝްރާ އެވެ.

ލަވައާ ބެހޭ ގޮތުން ފިލްމުގެ ޕްރޮޑިއުސަރު ރަމޭޝް ތައުރާނީ ބުނީ ސަލްމާން ލިޔުނު ޅެން ވަރަށް ފުރިހަމަވެފައި ޖަޒުބާތުތަކުން ފުރިފައިވާ ކަމަށެވެ.

ފިލްމުގެ ޝޮޓްތައް ނަގާފައިވަނީ އަބޫދާބީގެ އިތުރުން އިންޑިއާގެ މުމްބާއިގަޔާއި އަދި ތައިލެންޑުގެ ބެންގްކޮކްގައެވެ. މި ފިލްމް ސިނަމާތަކަށް އަންނާނީ ކުރިއަށް އޮތް ފިތުރު އީދާ ދިމާކޮށް އަންނަ ޖޫން 15 ގަ އެވެ.