އެމްޑީޕީންވެސް، އަޅުގަނޑުވެސް ދައްކާނީ ގުޅިފައިވާ ޕާޓީތަކުން އެދޭ ވާހަކަތައް: ރައީސް ނަޝީދު
12 މާރިޗު 2018 | ހޯމަ 17:19ކަންކަން ހިންގަނީ އިއްތިހާދުގެ ޕާޓީތަކާ މަޝްވަރާކޮށް ހުރިހާ ޕާޓީތައް އެދޭ މިންވަރަށް
ރައީސް ނަޝީދު: ކަންކަން ކުރައްވާނީ ޕާޓީތަކުން އެދޭގޮތައް | ގޫގުލް
އެމްޑީޕީންވެސް, އަދި ކުރީގެ ރައީސް މުހައްމަދު ނަޝީދުވެސް ދައްކަވާ ވާހަކަފުޅުތަކަކީ، އަދި ކުރައްވާ ކަންތައްތަކަކީވެސް ގުޅިފައިވާ ޕާޓީތަކުން އެދޭ މިންވަރަށް ކުރައްވާ ކަމެއް ކަމަށް ރައީސް ނަޝީދު ވިދާޅުވެއްޖެއެވެ.
އެމަނިކުފާނު މިހެން ވިދާޅުވެފައި މިވަނީ ސަރުކާރާ ރައީސް ނަޝީދާއެކު ސިއްރުން ވާހަކަތަކެއް ދެއްކެވިކަމަށް ސަރުކާރުގެ ފަރާތުން ޕާޓީ ޓޯކްސްގެ އިސް ވެރިއެއްގެ ގޮތުގައި ހަރަކާތްވާ ފިޝަރީޒް މިނިސްޓަރ ޑރ މުހައްމަދު ޝައިނީ ވިދާޅުވެފައި ވަނިކޮށެވެ.
ރައީސް ނަޝީދު ކުރައްވާފައިވާ ޓްވީޓެއްގައި ވިދާޅުވީ "އެމްޑީޕީ އެހެން ޕާޓީތަކާއެކު އިއްތިހާދުވިފަހުން އެމްޑީޕީވެސް އަދި އަޅުގަނޑުވެސް ދައްކާ ވާހަކަވެސް އަދި ހިންގާ ކަންކަންވެސް ހިންގަނީ އިއްތިހާދުގެ ޕާޓީތަކާ މަޝްވަރާކޮށް ހުރިހާ ޕާޓީތައް އެދޭ މިންވަރަށް އަދި އެދޭ ގޮތަށް" ކަމަށެވެ. އަދި ކުރިއަށް އޮތް ތާނގައިވެސް ކަން ހިނގާނީ އެގޮތައް ކަމަށް ރައީސް ނަޝީދު ވަނީ ވިދާޅުވެފައެވެ.
ރައީސް ނަޝީދު މިހެން ވިދާޅުވެ ޓްވީޓް ކުރައްވާފައިވާއިރު ގުޅިފައިވާ ޕާޓީތަކުން ހޯމަ ދުވަހު ބޭއްވި ޕްރެސް ކޮންފަރެންސެއްގައިވެސް ވިދާޅުވީ ޕާޓީތަކުގެ ކޮންމެ ލީޑަރަކުވެސް ކަމެއް ކުރައްވާނީ އެހެން ޕާޓީތަކާއެކު މަޝްވަރާ ކުރުމަށްފަހު އެޕާޓީތަކުން ނިންމާ ގޮތެއްގެ މަތިން ކަމަށެވެ. އަދި ޕާޓީތަކަށް ލިބިފައިވާ އެންމެބޮޑު ކާމިޔާބީއަކީވެސް އަދި ލިބޭ ކާމިޔާބީއަކީވެސް އެގޮތުގައި ދެމިތިބުން ކަމަށެވެ.
