ރާއްޖެ
ޒުވާނަކު މަރުވުން
މާލޭގެ ގެއެއްގެ މަތިން ވެއްޓި ޒުވާނަކު ނިޔާވެއްޖެ
ނިޔާވެފައިވަނީ އުމުރުން 22 އަހަރުގެ ޒުވާނެއް
އިސްމާއިލް ނާއިލް ނަޝީދު, ރާއްޖެ އެމްވީ | 11 މާރިޗު 2018 | އާދީއްތަ 05:05
އިމާރާތަކުން ވެއްޓި މަރުވި ޒުވާނާ
މާލޭގައި އިމާރާތެއްގެ މަތިން ވެއްޓި ޒުވާނަކު ނިޔާވެއްޖެއެވެ.
ރާއްޖެއެމްވީއަށް މަޢުލޫމާތު ލިބިފައިވާ ގޮތުގައި، އިމާރާތުގެ މަތިން ވެއްޓި ނިޔާވީ އުމުރުން 22 އަހަރުގެ ފިރިހެނެކެވެ. މަޢުލޫމާތު ލިބިފައިވާ ގޮތުގައި އެ ޒުވާނާ އިމާރާތުން ވެއްޓިފައިވަނީ އާދީއްތަ ދުވަހުގެ ހެނދުނު 6 ޖަހާ އެހާކަންހާއިރުއެވެ.
އެ ޒުވާނާ އައިޖީއެމްއެޗްއަށް ގެންގޮސްފައިވަނީ ހެނދުނު 06:15 ގައެވެ.
މަޢުލޫމާތު ލިބިފައިވާ ގޮތުގައި އެ ޒުވާނާ ވެއްޓިފައިވަނީ މަޖިދީމަގު މާފަންނު "ބޮނޑިބަތް ޕާކް" ކައިރީގައި ހުރި އިމާރާތެއްގެ 4 ވަނަ ފަންގިފިލާއިންނެވެ.
މިކަމާއި ގުޅިގެން ފުލުހުންގެ ބަހެއް އަދި ލިބިފައި ނުވާއިރު، ފުލުހުން މިހާރު ދަނީ އައިޖީއެމް ހޮސްޕިޓަލްގައި ހަރަކާތްތެރިވަމުންނެވެ.
