ހައުސިން މިނިސްޓްރީގެ ދެ ކޯޑިނޭޓަރަކު ވަޒީފާއިން ވަކިކޮށްފި
7 މާރިޗު 2018 | ބުދަ 13:51ހައުސިންގ މިނިސްޓްރީގެ ރަސްމީ ބަހެއް އަދި ނުލިބޭ
ހައުސިންގ މިނިސްޓްރީގެ ޕްރެސް ކޮންފަރެންސެއްގެ ތެރެއިން
ހައުސިންގ މިނިސްޓްރީގެ ސިޔާސީ މަޤާމެއްގައި ތިބި ދެ ކޯޑިނޭޓަރަކު ކުއްލި ގޮތަކަށް ވަޒީފާއިން ވަކިކޮށްފިއެވެ.
ރާއްޖެ އެމްވީއަށް ވަރަށް މުއުތަބަރު ގޮތެއްގައި މައުލޫމާތު ލިބިފައިވާ ގޮތުގައި ވަޒީފާއިން ވަކިކޮށްފައިވާ ދެ ކޯޑިނޭޓަރުންނަކީ އަޖްވަދު މުހައްމަދު ކިޔާ ކޯޑިނޭޓަރަކާއި ނާސިރު ކިޔާ ކޯޑިނޭޓަރެކެވެ.
ރާއްޖެ އެމްވީއަށް ކަށަވަރުވެފައި ވީނަމަވެސް ހައުސިންގ މިނިސްޓްރީގެ ރަސްމީ ބަހެއް އަދި ލިބިފައެއް ނުވެއެވެ.
މި ދެ ކޯޑިނޭޓަރުން ވަޒީފާއިން ވަކިކޮށްފައި މިވަނީ ސުޕްރީމް ކޯޓުން ފެބްރުއަރީ 1 ގައި ނެރުނު އަމުރު ތަންފީޒް ނުކޮށް ސަރުކާރުން ހިންގަމުންދާ ކުއްލި ނުރައްކަލުގެ ޙާލަތާ ދެކޮޅު ކަމަށް ސަރުކާރުގެ ސިޔާސީ ބައެއް ބޭފުޅުން ވެސް ވިދާޅުވަމުންދާ ދަނޑިވަޅެއްގައެވެ. އަދި ބައެއް ބޭފުޅުން އަމިއްލައަށް އިސްތިއުފާ ދެމުންދާ ދުވަސްވަރެއްގައެވެ.
