ކ. މާލެ
|
5 މާރޗް 2018 | ހޯމަ 18:38
ސަޢޫދީ ވަލީ ޢަހުދު މުހައްމަދު ބިން ސަލްމާން (ކ)
ސަޢޫދީ ވަލީ ޢަހުދު މުހައްމަދު ބިން ސަލްމާން (ކ)
ރޮއިޓަރސް
ސަޢޫދީ ވަލީޢަހުދު
ސަޢޫދީ ވަލީ ޢަޙުދު މިސްރަށް ވަޑައިގެންފި
 
މިސްރަށްފަހު ދެން މުހައްމަދު ބިން ސަލްމާން ވަޑައިގަންނަވާނީ އިނގިރޭސިވިލާތަށާއި އެމެރިކާއަށް

ސަޢޫދީ ޢަރަބިއްޔާގެ ވަލީޢަޙުދު މުޙައްމަދު ބިން ސަލްމާން އެމަނިކުފާނުގެ މަޤާމުގެ ހައިިސިއްޔަތުން ކުރައްވާ ފުރަތަމަ ރަސްމީ ދަތުރުފުޅުގައި މިސްރަށް ވަޑައިގެންފިއެވެ.

3 ދުވަހުގެ މި ދަތުރުފުޅުގައި މުހައްމަދު ބިން ސަލްމާން މިސްރަށް ވަޑައިގަތުމުން ވެރިރަށް ޤާހިރާއިން އެމަނިކުފާނަށް މަރުޙަބާ ދެންނެވީ މިސްރުގެ ރައީސް އަބްދުލްފައްތާޙު އަލްސީސީ އެވެ. 

މިއީ އުމުރުފުޅުން 33 އަހަރުގެ މުހައްމަދު ބިން ސަލްމާން ސަޢޫދީ ޢަރަބިއްޔާގެ ވަލީޢަޙުދުކަމާއި އަދި ވެރިކަމުގެ ގިނަ ބާރުތަކަކާއި މިދިޔަ އަހަރުގެ ޖޫން މަހު ޙަވާލުވެވަޑައިގެންވި ފަހުން ޤައުމުން ބޭރަށް ވަލީޢަޙުދުގެ ހައިސިއްޔަތުން ކުރައްވާ ފުރަތަމަ ދަތުރުފުޅެވެ. އަދި މިދަތުރުފުޅު ފެއްޓެވީ 2016 ވަނަ އަހަރު މިސްރުގެ ރަށްތަކެއް ސަޢޫދީއަށް ވިއްކާލުމަށް ނިންމި ނިންމުމަށް ސަޢޫދީގެ އެންމެ އިސް ކޯޓުން ތާޢީދުކުރިތާ އެއް ދުވަސް ފަހުންނެވެ. 

މި ރަށްތައް ސަޢޫދީއަށް ދިނުމަށް އެއްބަސްވެފައިވަނީ މިސްރުގެ ވެރިރަށް ޤާހިރާއަށް ސަޢޫދީގެ ރަސްގެފާނު ސަލްމާން ބިން އަބްދުލް ޢަޒީޒް ކުރެއްވި ދަތުރުފުޅެއްގެ ތެރެއިންނެވެ. މިސްރުގެ ގިނަ ބަޔަކު ދަނީ މިއީ އެޤައުމުގެ އިސްތިޤްލާލު ވިއްކާލުންކަމަށް ބުނަމުންނެވެ. އަދި މިސްރުގެ ބިމުގެ އެއްވެސް ބައެއް ބޭރު ބަޔަކަށް އެއްކޮށް ނުވިއްކޭނެކަމަށް ޤާނޫނު އަސާސީގައި ބަޔާންކޮށްފައިވާކަމަށްވެސް ގިނަ ބަޔަކު ދަނީ ފާހަގަކުރަމުންނެވެ. 

2013 ވަނަ އަހަރު މިސްރުގެ ރައީސްކަމުގެ މަޤާމުގައި ހުންނެވި މުހައްމަދު މުރްސީގެ ވެރިކަން ބަޣާވާތަކުން ވައްޓާލައި، ވެރިކަމަށް އަސްކަރިއްޔާގެ އެންމެ އިސްވެރިޔާގެ މަޤާމުގައި ހުންނެވި ސީސީ ވަޑައިގެންނެވިފަހުން މިސްރުގެ ސިޔާސީ މަސްރަހުގައި ސަޢޫދީގެ މަސްލަހަތު ބޮޑުކަމަށް ފާޑުކިޔާ ފަރާތްތަކުން ފާހަގަކުރެއެވެ. ދާދި ފަހުން ސަޢޫދީ އާއި ޔޫއޭއީ އަޑީގައި އޮވެގެން ޤަތަރާއި ގުޅުން ކަނޑާލުމުގައި އެދެޤައުމަށް އެންމެ ބޮޑަށް ވާގިވެރިވަމުންދަނީ މިސްރުންނެވެ. އަދި އެދެޤައުމުން ދަނީ މިސްރަށް ބޮޑެތި އެހީތަކެއް ވެދެމުންނެވެ. 

މިސްރަށް ކުރައްވާ ދަތުރުފުޅަށްފަހު މުހައްމަދު ބިން ސަލްމާން ދެން ވަޑައިގަންނަވާނީ އިނގިރޭސިވިލާތަށެވެ. އިނގިރޭސިވިލާތަށް ވަޑައިގެން ލަންޑަނުގައި ބޮޑުވަޒީރު ތެރީސާ މޭ އާއި ބައްދަލުކުރެއްވުމަށްފަހު ދެން މުހައްމަދު ބިން ސަލްމާން ވަޑައިގަންނަވާނީ އެމެރިކާއަށެވެ. 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަހްމަދު ސާއިފް ޝިޔާދް
0%
0%
0%
0%
0%
0%
ކޮމެންޓް