އެމްބީއޭ ޗެމްޕިއަންޝިޕް ފިރިހެން ޑިވިޝަންގެ ޗެމްޕިއަންކަން ޓީރެކްސް ބާސްކެޓްބޯލް ކްލަބް ހޯދައިފި
ފައިނަލް މެޗު ޓީރެކްސް ކާމިޔާބުކުރީ 98-85 ން
އެމްބީއޭ ޗެމްޕިއަންޝިޕް ފިރިހެން ޑިވިޝަންގެ ތަށްޓާއެކު ޓީރެކްސް ބާސްކެޓްބޯލް ކްލަބުގެ ކުޅުންތެރިން
26 ވަނަ އެމްބީއޭ ޗެމްޕިއަންޝިޕް ބާސްކެޓްބޯޅަ މުބާރާތުގެ ފިރިހެން ޑިވިޝަންގެ ޗެމްޕިއަންކަން ޓީރެކްސް ބާސްކެޓްބޯލް ކްލަބް ހޯދައިފި އެވެ.
މިމުބާރާތުގެ ފިރިހެން ޑިވިޝަންގެ ޗެމްޕިއަންކަން ޓީރެކްސް ބާސްކެޓްބޯލް ކްލަބް ހޯދީ އަންގާރަ ދުވަހުގެރޭ ކުޅުނު ފައިނަލްގައި ކިންގްސް ބާސްކެޓްބޯލް ކްލަބުގެ މައްޗަށް 98-85 ން ކުރި ހޯދައިގެންނެވެ.
މުބާރާތުގެ ފިރިހެން ޑިވިޝަންގެ ފައިނަލްގެ މެޗުގެ މޮޅު ކުޅުންތެރިޔަކަށް ހޮވުނީ ކިންގްސް ބާސްކެޓްބޯލް ކްލަބަށް 22 ޕޮއިންޓް ހޯދައިދިން ރިޝްފާން ރަޝީދެވެ.
ފިރިހެން ޑިވިޝަންގެ އެންމެ މޮޅު ފަސް ކުޅުންތެރިންނަށް ހޮވިފައިވަނީ ޗެމްޕިއަން ޓީރެކްސްގެ ހުސެއިން ހަލީމް، އަހުމަދު ޒަބީރު އަދި އަހުމަދު ހުޝާމްގެ އިތުރުން ރަނަރަޕް ކިންގްސް ބާސްކެޓްބޯލް ކްލަބުގެ ރިޝްފާން ރަޝީދާއި ސްޓިންގަރސް ބާސްކެޓްބޯލް ކްލަބުގެ މުހައްމަދު ސަބީހް ތައުފީގެވެ.
މުބާރާތުގެ ފިރިހެން ޑިވިޝަންގެ އެންމެ މޮޅު ކުޅުންތެރިޔަކަށް ހޮވުނީ ޓީރެކްސް ބާސްކެޓްބޯލް ކްލަބުގެ އިބްރާހިމް ރަޝްވާން އެވެ.
