އިންޓަނެޓް ބޭންކިންގް މެދުވެރިކޮށް ބީއެމްއެލްގެ އިތުރު ހިދުމަތްތަކަށް އެދުމުގެ ފުރުސަތު
8 ފެބުރުއަރީ 2018 | ބުރާސްފަތި 12:58ބޭންކް މެދުވެރިކޮށް ހިދުމަތް ހޯދާ ކަސްޓަމަރުންގެ 90 ޕަސަންޓަކީ އޮންލައިންކޮށް ހިދުމަތް ހޯދާ ފަރާތްތައް
ބީއެމްއެލްގެ ޑެޕިއުޓީ ސީއީއޯ މުހައްމަދު ޝަރީފު މީޑިއާތަަކަށް އިންޓަވިއު ދެއްވަނީ
އިންޓަނެޓް ބޭންކިންގް މެދުވެރިކޮށް ބޭންކް އޮފް މޯލްޑިވްސް (ބީއެމްއެލް) އިން ފޯރުކޮށްދޭ އިތުރު ހިދުމަތްތަކަށް އެދުމުގެ ފުރުސަތު ބީއެމްއެލް އިން ހުޅުވާލައިފިއެވެ.
ބީއެމްއެލް އިން އޮންލައިންކޮށް އެދުމުގެ ފުރުސަތު ހުޅުވާލާފައިވާ ހިދުމަތްތަކަކީ:
ކްރެޑިޓް ކާޑް އާއި ޑެބިޓް ކާޑަށް އެދުމުގެ ހިދުމަތް ކަސްޓަމަރ އެކައުންޓް ހުޅުވުމުގެ ހިދުމަތް ލުއި ލޯނަށް އެދުމުގެ ހިދުމަތް ކަސްޓަމަރުގެ މައުލޫމާތު ބަދަލުކުރުމުގެ ހިދުމަތް
ބީއެމްއެލްގެ ޑެޕިއުޓީ ސީއީއޯ މުހައްމަދު ޝަރީފު ވިދާޅުވީ ބޭންކް މެދުވެރިކޮށް ހިދުމަތް ހޯދާ ކަސްޓަމަރުންގެ 90 ޕަސަންޓަކީ އޮންލައިންކޮށް ހިދުމަތް ހޯދާ ފަރާތްތައް ކަމަށާއި ބޭންކްތަކަށް ގޮސްގެން ހިދުމަތް ހޯދާ ކަސްޓަމަރުންގެ އަދަދު 10 ޕަސަންޓަށް ވުރެން ވެސް ދަށް ކަމަށެވެ.
އިންޓަނެޓް ބޭންކިންގް މެދުވެރިކޮށް ބީއެމްއެލް އިން ފޯރުކޮށްދޭ ހިދުމަތްތަކަށް އެދުމުގެ ފުރުސަތު އޮންލައިންކޮށް ލިބިގެން ދިޔުމުން ކަސްޓަމަރުންނަށް ބޮޑެތި ލުއި ފަސޭހަތަކެއް ވެގެންދާނެއެވެ.
ގިނައިރު ކިއުގައި މަޑުކުރަން ނުޖެހި ފަސޭހަކަމާ އެކު ހިދުމަތް ލިބޭނެ މަގު ކަސްޓަމަރުންނަށް ފަހިކޮށްދިނުމަށްޓަކައި ބީއެމްއެލް އިން އަންނަނީ ގިނަ މަސައްކަތްތަކެއް ކުރަމުންނެވެ.
