ރަށްވެހިކަމުގެ ގާނޫނު ބަދަލުކުރައްވާނެ ކަމަށް ލައިބީރިޔާގެ ރައީސް ވިދާޅުވެއްޖެ
30 ޖެނުއަރީ 2018 | އަންގާރަ 14:32ރައީސްކަމުގެ މަގާމަށް ވިއާ އިންތިޚާބުވެ ވަޑައިގަތީ ޑިސެމްބަރު މަހު
ރައީސްކަމުގެ މަގާމަށް ވިއާ އިންތިޚާބުވެ ވަޑައިގަތީ ޑިސެމްބަރު މަހު
ލައިބީރިޔާގެ ގާނޫނު އަސާސީގައި ކަޅު މީހުންނަށް ރަށްވެހިކަން ދިނުން މަނާކުރާ، "ނަސްލީ ތަފާތުކުރާ" މާއްދާ ބާތިލްކުރުމަށް އެ ގައުމުގެ ރައީސް ޖޯޖް ވިއާ ގޮވާލައްވައިފިއެވެ.
ވެރިކަމަށް ވަޑައިގެންނެވުމަށް ފަހު ދެއްވި ފުރަތަމަ ރިޔާސީ ބަޔާނުގައި ކުރީގެ ފުޓްބޯޅަ ތަރި ވިދާޅުވީ އެ މާއްދާއަކީ" ބޭނުމެއް ނެތް، ނަސްލީ ތަފާތު ކުރެވޭ އަދި ހާލަތާ ނުގުޅޭ" މާއްދާއެއް ކަމަށެވެ.
މީގެ އިތުރުން ބޭރުގެ ފަރާތްތަކަށް ބިން މިލްކު ކުރުން މަނާކުރާ ގާނޫނު ވެސް އުވާލައްވާނެ ކަމަށް ވަނީ ވިދާޅުވެފައެވެ.
ލައިބީރިއާ އުފައްދާފައި ވަނީ އެމެރިކާގެ އަތްދަށުން މިނިވަންވި އަޅުން 1847 ވަނަ އަހަރުއެވެ.
ވިއާ ވިދާޅުވީ ރައްވެހިކަމުގައި އޭރު އޮތް ހަރުކަށިކަމެއް މިހާރު ކޮންމެހެން ބޭނުން ނުވާ ކަމަށެވެ. މީގެ އިތުރުން ވިއާ ވިދާޅުވީ ދެ ގައުމުގެ ރައްވެހިކަން މަނާވެފައި އޮތް އޮތުން ނިމުމަކަށް ގެނައުމަށް ވެސް ބޭނުންފުޅުވާ ކަމަށެވެ.
"މި ކަންކަން އެ ބަ ތަޢާރަޒުވޭ ލައިބީރިއާ މި ބަހުގެ ތައާރަފާ، ލެޓިން ބަހަކަށް ވާއިރު "ލިބަރ" މާނައަކީ ލިބަރޓީ{މިނިވަންކަން}" ކަމަށް ވިއާ ވިދާޅުވިއެވެ.
ފީފާއިން ހޮވާ އަހަރުގެ އެންމެ މޮޅު ކުޅުންތެރިޔާގެ އެވޯޑް 1995 ވަނަ އަހަރު ހޯދާފައިވާ ވިއާ އަކީ ކުރިން ފުޓް ބޯޅައިގެ ތަރިއެއްގެ ގޮތުގައި ހުރި މީހަކަށްވާއިރު މިދީ ފުޓް ބޯޅަ ތަރިއެއް އިންތިޚާބީ ރައީސްއަކަށް މިގޮތަށް ވަޑައިގެންނެވި ފުރަތަމަ ފަހަރެވެ.
ޑިސެމްބަރު މަހު ބޭއްވި އިންތިޚާބު ވިއާ ކާމިޔާބުކުރައްވާފައިވަނީ އޭރުގެ ނައިބް ރައީސް ޖޯސެފް ބޯކާއީ އާ ވާދަކުރައްވައި ބޮޑު ތަފާތަކުން ކުރި ހޯއްދަވައިގެންނެވެ.
