ރާއްޖެ
ޝެއިހް ނަސްރުﷲ
ނޫސްވެރިންގެ މައްޗަށް ޝެއިހު ނަސްރުﷲ ކުރާ ދައުވާތަކުގެ ޑިސްޕިއުޓް ރިޒޮލިއުޝަން މިއަދު ފަށަނީ
ދަޢުވާ ކޮށްފައިވަނީ "މިހާރު" ނޫހުގެ 5 ނޫސްވެރިއަކާއި ވީމީޑިއާގެ މައްޗަށް
މުހައްމަދު ފަޒީން, ރާއްޖެ އެމްވީ | 16 ޖެނުއަރީ 2018 | އަންގާރަ 04:45
ޝެއިޚް ނަސްރުﷲ
"މިހާރު" ނޫހުގެ ފަސް ނޫސްވެރިއެއްގެ މައްޗަށާއި ވީމީޑިއާގެ މައްޗަށް ޝެއިހު ނަސްރުﷲ މުސްތަފާ ކުރައްވާ ދައުވާގެ ޑިސްޕިއުޓް ރިޒޮލިއުޝަންގެ ފުރަތަމަ ބައްދަލުވުން މިއަދު އޮންނާނެ އެވެ.
ވަކިވަކިން ކުރާ މި ދައުވާތަކާ ގުޅިގެން، ޝަރީއަތުގެ ބޭރުން މައްސަލަ ހައްލުކުރުމުގެ ފުރަތަމަ ބައްދަލުވުން ތާވަލްކޮށްފައި ވަނީ 10:00 އަށެވެ،
އަރަބިއްޔާ ސްކޫލްގެ ކުރީގެ ޕްރިންސިޕަލް ނަސްރުﷲ މުސްތަފާ، "މިހާރު" ނޫހުގެ 5 ނޫސްވެރިއެއްގެ މައްޗަށާއި ވީމީޑިއާގެ މައްޗަށް ސިވިލް ކޯޓްގައި ދައުވާ އުފުލާފައިވަނީ، ހުއްދަ ނެތި ހަތަރު ދިވެއްސަކު ހައްޖަށް ފޮނުވައިގެން އެ މީހުން މައްކާގައި ހާލުގައި ޖެހުނު މައްސަލަ ރިޕޯޓްކުރުމާ ގުޅިގެން ނެވެ. ނަމަވެސް މި ތުހްމަތު އޭނާ ވަނީ ދޮގުކުރައްވައިފަ އެވެ.
