"ތިޔަ ލޯތްބާއި ދުރަށް" ގެ ޓީޒާ އާންމު ކޮށްފިއެވެ.

މި ޓީޒާ އާންމުކޮށްފައި ވަނީ ފޭސްބުކްގައި އާދީއްތަ ދުވަހުއެވެ. މި ފިލްމު ރިލީޒް ކުރާނީ އަންނަ އެޕްރީލް މަހުގެ 21 ވަނަ ދުވަހުގައެވެ.

މި ފިލްމުގެ ކާސްޓުންގެ ތެރޭގައި ހިމެނެނީ އަހުމަދު އަޒްމީލް(އަޒޭ)، މަލީހާ ވަހީދު(މަލް) އަދި އަހުމަދު އަމަން (ޓޮމް)އަދި މަރިޔަމް ޝަހްޒާ އެވެ. މި ފިލްމުގެ ޑައިރެކްޓަރަކީ އަދި ވާހަކަލިޔެފައިވަނީ މަރިޔަމް މޫސާއެވެ. "ތިޔަ ލޯތްބާއި ދުރަށް" އަކީ މަރިޔަމް މޫސާގެ ފުރަތަމަ ފީޗާ ފިލްމެވެ. މަރިޔަމް މޫސާ ލިޔެފައިވާ ވާހަކަތަކުގެ ތެރޭގައި "ހިތު ވިންދު"، "ސަޒާ"، "ސިއްރު" އަދި "ހިތުގެ އެދުން" ފަދަ މަގްބޫލު ދިވެހި ވާހަކަތައް ހިމެނެއެވެ.

 މިއީ މަރިޔަމް މޫސާގެ ފިރިމީހާ އަދި ކުރީގެ ޑައިރެކްޓަރ ހުސައިން އާދިލްގެ ޕްރޮޑަކްޝަން ހައުސްއިން އުފައްދާ ފިލްމެކެވެ. ޕްރޮޑިއުސް ކުރަނީ ޓެކްނޯ މީޑިއާ އިންނެވެ. ފިލްމު ކެމެރާ ކޮށްފައިވަނީ އަލީ ރަޝީދު (ގޮޅާ އައްޔަ) އެވެ. މި ފިލްމުގައި ހިމެނެނީ ހަތަރު ލަވައެވެ.

"ތިޔަ ލޯތްބާ ދުރަށް" ފިލްމުގެ ހުރިހާ މަންޒަރެއް ޝޫޓްކޮށްފައިވަނީ ސްރީލަންކާގައެވެ. މި ފިލްމަކީ ތިނެސްކަން ލޯބީގެ ވާހަކައެއްގެ މައްޗަށް ބިނާކޮށް އުފައްދާފައިވާ ފިލްމެކެވެ.