މަޝްހޫރު ފިލްމީ ތަރި ވަރުން ދަވަން ކުޑަދުވަސްކޮޅަކަށް ޓްވިޓަރ އާއި ދުރަށް ދާ ކަމަށް ބުނެފިއެވެ. ހަމަ ޔަގީނުންވެސް މިއީ ވަރުންގެ ފޭޏުންނަށް ހިތާމަ ހަބަރަކަށް ވެގެން ދާނެއެވެ. ޒުވާން ފިލްމީތަރި ޓްވިޓަރ އާއި ދުރަށް ކުޑަ ދުވަސްކޮޅަކަށް ދާން ނިންމީ ކީއްވެ ކަމެއް ނޭގެއެވެ.

ވަރުން އޭނާގެ  އިންސްޓަގްރާމުގައި  އޭނާގެ ފޮޓޯއެއްގައި ލިޔެފައިވަނީ ޓްވިޓަރ އިން ދުވަސްކޮޅަކަށް ދުރަށްދާކަމަށާއި ވަރަށް އަވަހަށް އެންމެން ފެންނާނެކަމަށް އުއްމީދުކުރާކަމަށެވެ.

ނަމަވެސް ވަރުން ޓްވިޓަރ އިން ދުރަށް ދަނީ ކިހާ ދުވަހަކަށް ކަމެއް ބުނެފައެއް ނުވެއެވެ. އަދި ޓްވިޓަރ އާއި ދުރަށް ދަނީ ކޮންސަބަބަކާހެދި ކަމެއް ހާމަކޮށްފައެއް ނުވެއެވެ. ވަރުން ދާވަން އެންމެ ފަހުން ޓްވީޓެއް ކޮށްފައިވަނީ މީގެ ދެ ދުވަސް ކުރިންނެވެ.

އެއީ އޭނާ މީގެ 3 އަހަރު ކުރިން ކުޅުނު ފިލްމު "މެއިން ތެރަ ހީރޯ" އަށް 3 އަހަރު ފުރިގެން ކުރި ޓްވީޓެކެވެ. އޭގައި ބުނެފައިވަނީ"މެއިންތެރަ ހީރޯއަށް 3 އަހަރު ފުރިއްޖެ. އެ ފިލްމަކީ އަހަރެން އަދި އަހަރެންގެ ހަޔާތް ބަދަލު ކޮށްލި ފިލްމެކެވެ." މިހެންނެވެ. އެ ޓްވީޓުގައި ވަރުން ވަނީ ނަރުގިސް ފަހުރީ ވެސް ޓެގްކޮށްފައެވެ.  

ވަރުން ދާވަންޓްވިޓަރ އާއި ގުޅިފައިވަނީ 11 ސެޕްޓެމްބަރ 2011 ގައެވެ. 

ވަރުންއަކީ ފިލްމް ޑައިރެކްޓަރ ޑޭވިޑް ދާވަންގެ ދަރިއެކެވެ. އޭނާ އެންމެ ފުރަތަމަ ކުޅެފައިވާ ފިލްމަކި  ސްޓޫޑެންޓް އޮފް ދަ އިޔަރ އެވެ. އޭނާ ކުޅެފައިވާ ފިލްމު ތަކުގެ ތެރޭގައި ހަމްޕްޓީ ޝަރުމާކީ ދުލްހަނިޔާ، އޭބީސީޑީ2، ދިވާލޭ ފަދަ ކާމިޔާބު ފިލްމުތައް ހިމެނެއެވެ.