ސާރާ އަބަދުވެސް ބޭނުން ވަނީ އެކްޓަރަކަށް ވާން: ސައިފް އަލީ ޚާން

ސާރާ އަލީޚާން އަބަދު ވެސް ބޭނުން ވަނީ އެކްޓަރަކަށް ވުމަށް ކަމަށް އޭނާގެ ބައްޕަ އަދި ބޮލީވުޑްގެ މަޝްހޫރު ތަރި ސައިފް އަލީ ޚާން ބުނެފިއެވެ.

ސާރާ އަލީ ޚާންގެ ދަރިފުޅު އެންމެ ފުރަތަމަ ބޮލީވުޑުން ފެނިގެންދާނީ އަބީޝެކް ކަޕޫރާ އެކު "ކެދާނަތު" އިންނެވެ.

ސައިފް ބުނީ އޭނާ ސާރާއަށް ދޭންޖެހޭ ހުރިހާ ނަސޭހަތެއް ދީފި ކަމަށެވެ.

ސާރާ އަށް އެންމެ ކަމުދާ ރޮނގަކުން ކުރިއަށް ދިއުމަށް ކުޑައިރުއްސުރެ ބުނަމުން އައި ކަމަށާއި ސާރާ ބޭނުންވީ އެކްޓަރަކަށް ވާން ކަމަށް ސައިފް ބުންޏެވެ. އެކްޓިން ކެރިއާގައި ސާރާއަށް ދިމާވެދާނެ ކަންތައްތައް ރަނގަޅަށް ކިޔާދީފައި ވާނެ ކަމަށް ސައިފް ބުންޏެވެ.

ސައިފްގެ ދެން ސިނަމާތަކަށް އަންނާނެ ފިލްމަކީ މިމަހުގެ 12 ވަނަ ދުވަހު ރިލީޒްކުރާ "ކާލާކާންދީ" އެވެ. އެ ފިލްމު ޑައިރެކްޓްކޮށްފައި ވަނީ އަކްޝަތު ވަރުމާވެ. މި ފިލްމުގެ ޕްރޮމޯޝަންގައި ވާހަކަ ދައްކަމުން ސައިފް ވަނީ އޭނާގެ އަންހެނުން ކަރީނާ އަށް ވެސް ތައުރީފުކޮށްފައެވެ. ސައިފް ބުނީ ކަރީނާއަކީ ވަރަށް ތަފާތު ސިފަތަކެއް ލިބިގެންވާ މީހެއް ކަމަށެވެ. އޭނާއަކީ ގަޑި މެނޭޖްކުރުމާއި، ސިއްހަތު ރަނގަޅު މީހެއް ކަމަށާއި އަދި އަޚުލާގު ރަނގަޅު ހިތްހެޔޮ އަނތްބެއް ކަމަށެވެ. ފިލްމީ ދާއިރާގައި އޭނާ ހޭދަކުރި 25 އަހަރަކީ ތަފާތު އެތައް ކަމެއް ތަޖުރިބާކުރި އަހަރުތަކެއް ކަމަށް ވެސް ސައިފް ބުންޏެވެ.

ސައިފްގެ "ކާލާކާންދީ" ގައި ހިމެނެނީ 5 ލަވައެވެ. މި ފިލްމަކީ ކޮމެޑީ ފިލްމެކެވެ.