ސަލްމާން ޚާނާއި ޖެކްލީން ފެނާންޑޭޒް ލީޑް ރޯލުން ފެނިގެންދާ "ރޭސް 3" އަށް ތައްޔާރުވުމަށް ޖެކްލީން ޓްރެއިނިން ވަރަށް ބުރަކޮށް ޖައްސާ ކަމަށް ޚަބަރުތައް ބުނެފިއެވެ.
އެފިލްމުގައި ޖެކްލީން ކުޅެނީ އެކްޝަން ރޯލެއް ކަމުން އޭނާ އަންނަނީ ބޮކްސިން ކްލާސްތަކަށް ގޮސް ދަސްކުރަމުންނެވެ.
"ރޭސް 3" ގެ ޑައިރެކްޓަރަކީ ރޭމޯ ޑިސޫޒާއެވެ.
މީގެ ކުރިން ޖެކްލީން ބުނެފައި ވަނީ ސަލްމާން ޚާނާ އެކު މި ފިލްމުގައި އެކްޓު ކުރަން ލިބުމުން ވަރަށް އުފާވެފައިވާ ކަމަށާއި މިހާރު ވެސް ސަލްމާން ފެނުމުން އޭނާގެ ޑައިލޮގްތައް ހަނދާން ނެތޭ ކަމަށެވެ. އަދި އޭނާ މިފިލްމަށް ނެގުން އެއީ ގަބޫލުކުރަން ދަތި އުފާވާ ކަމެއް ކަމަށް ޖެކްލީން ވަނީ ބުނެފައެވެ.
ރޭސް" ގެ ފުރަތަމަ ފިލްމު ނެރެފައި ވަނީ 2008 ވަނަ އަހަރުއެވެ. އަދި ދެވަނަ ފިލްމު "ރޭސް 2" ބެލުންތެރިންނާ ހަމައަށް އައިސްފައި ވަނީ 2013 ވަނަ އަހަރުގައެވެ. ތިން ފިލްމުގެ ޝޫޓިން ފަށާނީ އަބޫދާބީގައެވެ. އެ އަށް ފަހު އިންޑިއާގެ މުމްބާއީގައި ފިލްމުގެ މަންޒަރުތައް ނަގާނެ ކަމަށް ޚަބަރުތައް ބުނެއެވެ.
މި ފިލްމު ރިލީޒްކުރާނީ އަންނަ ކުޑައީދުގައެވެ.
