ރާއްޖޭގެ އިގުތިސާދީ ކަނޑުގެ ސަރަހައްދުން އިންޑިޔާގެ ދެ ބޯޓު ފެނިއްޖެ
5 ޖެނުއަރީ 2018 | ހުކުރު 22:20އެއީ އިންޑިޔާގެ ގެއްލިގެން އުޅޭ ބޯޓެއް ހޯދަން ނިކުމެ އުޅޭ ދެ ބޯޓް
މުރުޝިދް އަބްދުލް ހަކީީމް | 5 ޖެނުއަރީ 2018 | ހުކުރު 22:20
އެމްއެންޑީއެފް ކޯސްޓްގާރޑްގެ ބޯޓެއް
ރާއްޖޭގެ އިގްތިސާދީ ކަނޑުގެ ސަރައްދުން އިންޑިޔާގެ ދެ ބޯޓެއް ފެނިއްޖެ އެވެ.
އެމްއެންޑީއެފް އިން ބުނި ގޮތުގައި އެ ދެ ބޯޓަކީ އިންޑިޔާއިން ގެއްލިގެން އުޅޭ ދެ ބޯޓު ހޯދުމަށް ނިކުމެ އުޅުނު ދެ ބޯޓެވެ. އެ ދެ ބޯޓު ފެނުނީ ބުރާސްފަތި ދުވަހުގެ ރޭ ދަންވަރު ކަމަށް އެމްއެންޑީއެފް އިން މައުލޫމާތު ދީފައިވެ އެވެ.
އެ ދެ ބޯޓުގެ ތެރެއިން އެއް ބޯޓުގެ އިންޖީނު ހުއްޓިގެން ކޯސްޓްގާޑުން އެހީތެރިކަން ފޯރުކޮށްދީފައިވާ ކަމަށްވެސް އެމްއެންޑީއެފް އިން ވަނީ ބުނެފަ އެވެ. މިހާރު އެ ދެ ބޯޓު ދަތުރު ކުރަމުންދަނީ މަލިކުގެ ބޭރު ކަނޑުން ކަމަށް އެމްއެންޑީއެފް އިން ވަނީ ބުނެފަ އެވެ.
