އާ އަހަރު ފާހަގަކުރުމަށް ބާއްވާ ހާއްސަ ޝޯގައި ބައިވެރިވުމަށް ބޮލީވުޑްގެ މަޝްހޫރު ލަވަކިޔުންތެރިޔާ މިކާ ސިންގް ރާއްޖެ އަތުވެއްޖެއެވެ.
މޯލްޑިވްސް އިންޓްގްރޭޓެޑް ޓޫރިޒަމް ކޯޕަރޭޝަން (އެމްއައިޓީޑީސީ) އާއި ޓޫރިޒަމް މިނިސްޓްރީ ގުޅިގެންއާ އަހަރު ފާހަގަ ކުރަން އާދީއްތަ ދުވަހުގެ ރޭ އަލިމަސް ކާނިވަލުގައި ބާއްވާ ޓޫރިސްޓް އެރައިވަލް ކައުންޓްޑައުން ޝޯގައި ބައިވެރިވުމަށް މިކާ ސިންގް ރާއްޖެ އައި ހޮނިހިރު ދުވަހު ހެނދުނުގައެވެ.
All set to rock Maldives. The biggest concert of 2017-18 ... Come celebrate New Year with me and the living legend,my Punjabi Bhra @RFAKWorld ... pic.twitter.com/vj8RnD1z1B
— King Mika Singh (@MikaSingh) December 30, 2017
ޓޫރިޒަމް މިނިސްޓްރީއާ ގުޅިގެން މާލޭގެ ކާނިވާ ސަރަހައްދުގައި ބާއްވާ އެ ޝޯގައި ފާކިސްތާނުގެ ލަވަކިޔުންތެރިޔާ ރާހަތު ފަތޭހް އަލީ ޚާނާއި ބޮލީވުޑްގެ މަޝްހޫރު ތަރި ބިޕާޝާ ބާސޫ އާއި އޭނާގެ ފިރިމީހާ ކަރަން ސިންގް ގްރޯވާ ރާއްޖެ އައުމަށް ހަމަޖެހިއްޖެއެވެ. އެހެންނަމަވެސް އެ ތަރިން އަދި ރާއްޖެ ނާދެއެވެ.
މި ފަންނާނުންގެ އިތުރުން ދިވެހި ފަންނާނުންގެ ތަފާތު ހުށަހެޅުންތައް ވެސް އާ އަހަރުގެ ޝޯއިން ފެނިގެންދާނެއެވެ.
ބިޕާޝާއަކީ ބޮލީވުޑްގެ ގިނަ ފިލްމުތަކެއް ކުޅެފައިވާ ތަރިއެކެވެ. އޭނާ އެންމެ ފުރަތަމަ ފިލްމީ ކެރިއަރ ފަށާފައި ވަނީ 2001 ވަނަ އަހަރު ނިކުތް އަޖްނަބީ އިންނެވެ. ބިޕާޝާއަކީ މޮޑެލެއް ވެސް މެއެވެ. ކަރަންއަކީ ޓީވީ ސީރީޒްތަކުން މަޝްހޫރުވި ފަންނާނެކެވެ. އޭނާގެ ދެތިން ފިލްމެއް ވެސް ބޮލީވުޑް އިން ވަނީ ފެނިގެން ގޮސްފައެވެ. ކަރީނާ އާއި ކަރަން ކައިވެނި ކޮށްފައި ވަނީ 2016 ވަނަ އަހަރުގައެވެ.
