ކ. މާލެ
|
30 ޑިސެންބަރ 2017 | ހޮނިހިރު 05:18
އަލިފާނުގެ ހާދިސާ ހިނގި އިމާރާތް
އަލިފާނުގެ ހާދިސާ ހިނގި އިމާރާތް
ހިންދުސްތާނީ ޓައިމްސް
ކަމަލަ މިލްސް ޝޮޕިން ސެންޓަރު
ކަމަލަ މިލްސް ޝޮޕިން ސެންޓަރު ގައި އަލިފާން ރޯވުން: މަރުވި މީހުންގެ އަދަދު 15 އަށް އަރައިފި
 
އަލިފާންގަނޑު ނިއްވާލެވިފައި ވަނީ ހުކުރު ދުވަހުގެ ހެނދުނުގެ ވަގުތެއްގައި

އިންޑިއާގެ މުމްބާއިގެ ޝޮޕިން ސެންޓަރެއް ކަމަށްވާ "ކަމަލަ މިލްސް" ގައި ހިނގި އަލިފާނުގެ ހާދިސާގައި މަރުވި މީހުންގެ އަދަދު މަދުވެގެން 15 އަށް އަރާފައިވާ ކަމަށް އޮފިޝަލުން ބުނެފިއެވެ.

ބުރާސްފަތި ދުވަހު ރޭ މެންދަމު ހިނގި މި ހާދިސާގައި 30 މިނެޓުގެ ތެރޭގައި މި އިމާރާތުގައި އެއްކޮށް އަލިފާން ރޯވިކަމަށް ރިޕޯޓުތައް ބުނެއެވެ. އަލިފާން ރޯވީ ޝޮޕިން ސެންޓަރުގެ ރެސްޓޯރަންޓެއްގައި ކަމަށް ރިޕޯޓުތައް ބުނެއެވެ.  ޝޮޕިން ކޮމްޕްލެކްސްގައި ރޯވި އަލިފާންގަނޑު ނިއްވާލެވިފައި ވަނީ ހުކުރު ދުވަހުގެ ހެނދުނުގެ ވަގުތެއްގައެވެ.

މި ހާދިސާގައި މީހުން މަރުވެފައި ވަނީ އިމާރާތުގެ ސީލިން ވެއްޓުމުގެ ސަބަބުން އިމާރާތުގެ ތެރޭގައި ތާށިވެގެންކަމަށް ވާއިރު މި ހާދިސާގައި މަރުވި 15 މީހުންގެ ތެރެއިން 11 މީހުންނަކީ އަންހެނުންނެވެ. އަދި އެ މީހުންނަކީ އަލިފާން ރޯވި ރެސްޓޯރަންޓުގައި އޮތް އުފަންދުވަހުގެ ޕާޓީއަކަށް ދިޔަ މީހުން ކަމަށް އިންޑިއާގެ މީޑިއާތަކުގައިވެއެވެ. މި ހާދިސާގައި އެކިވަރުގެ އަނިޔާ ލިބުނު 21 މީހަކަށް ހޮސްޕިޓަލުގައި އަންނަނީ ފަރުވާ ދެމުންނެވެ.

މުމްބާއީގެ ފުލުހުންގެ ތަރުޖަމާނު ދީޕަކް ދީރަޖް ވަނީ އަލިފާން ރޯވި ރެސްޓޯރަންޓުގެ ވެރިފަރާތާއި ޕާޓްނަރުންނާ ދެކޮޅަށް މައްސަލައެއް ހުށަހެޅިފައިވާކަން ކަށަވަރު ކޮށްދެއްވާފައެވެ. އިންޑިއާގެ ބޮޑުވަޒީރު ނަރެންދްރަ މޯދީ ވަނީ މި ހާދިސާގައި މަރުވި މީހުންގެ އާއިލާތަކަށް ތައުޒިޔާ ފޮނުއްވާފައެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ހުސެން ފިޔާޒް
0%
0%
100%
0%
0%
0%
ކޮމެންޓް