ކެނެޑާގައި ތިބި ވެނެޒުއޭލާގެ އިސް ދެ ޑިޕްލޮމޭޓަކު ފޮނުވާލައިފި
މަޑޫރޯގެ ސަރުކާރުން އިންސާނީ ހައްގުތަކަށް އަރައިގަންނަމުންދާ ކަމަށް ކެނެޑާއިން ތުހުމަތުކުރޭ
ވެނެޒުއޭލާގެ ރައީސް ނިކޮލަސް މަޑޫރޯއާ ދެކޮޅަށް އެ ގައުމުގައި މުޒާހަރާ ކުރަނީ
ވެނެޒުއޭލާގައި ތިއްބެވި ކެނެޑާގެ އިސް ދެ ޑިޕްލޮމޭޓަކު ފޮނުވާލަން ނިންމާފައިއެވެ.
ކެނެޑާ އިން ބުނީ ފޮނުވަލަން ނިންމާފައި ވަނީ ސަފީރު ވިލްމަރ ބެރިއެންޓޯސް ފެރްނާންޑޭޒް އާއި އޮޓާވާ މިޝަންގެ ޗާޖްޑި އެފެއަރޒް އަންޖެލް ހެރޭރާ ކަމަށެވެ.
ކެނޑެޑާގެ ފޮރިން މިނިސްޓަރ ކްރިސްޓިއާ ފްރީލަންޑް ވިދާޅުވީ މި ފިޔަވަޅަކީ ކަރާކަސްގައި ތިއްބެވި ކެނެޑާގެ އިސް ޑިޕްލޮމޭޓުންތަކެއް މިދިޔަ ހަފްތާ ބަންދުއި ފޮނުވާލުމުން ރައްދުގައި ވެނެޒުއޭލާ އިން ކުރި ކަމެއް ކަމަށެވެ.
ވެނެޒުއޭލާގެ ދާޚިލީ ކަންކަމުގެ ތެރެއަށް ކެނެޑާ އިން ވަންނަ ކަމަށް ވެނެޒުއޭލާ އިން ތުހުމަތުކުރެއެވެ. ވެނެޒުއޭލާގެ ރައީސް ނިކޮލަސް މަޑޫރޯގެ ސަރުކާރުން އިންސާނީ ހައްގުތަކަށް އަރައިގަންނަމުންދާ ކަމަށް ކެނެޑާއިން ވަނީ ތުހުމަތުކޮށް ފާޑުކިޔާފައެވެ.
މި އަހަރުގެ ކުރީކޮޅު ވެނެޒުއޭލާގެ ސަރުކާރާ ދެކޮޅަށް ކުރި މުޒާހަރާތަކުގައި 120 އަށް ވުރެ ގިނަ މީހުން ވަނީ މަރާލާފައެވެ.
"އެގައުމުގެ ރައްޔިތުންގެ އަސާސީ ޑެމޮކްރެޓިކް އަދި އިންސާނީ ހައްގުތައް ފޭރިގަންނަ އިރަކު އަދި އަސާސީ އިންސާނީ އެހީއަށް ހުރަސްއަޅާ އިރަކު ކެނެޑާއަކުން ނޯންނާނެ ވެނެޒުއޭލާގެ ސަރުކާރާ އެކުގައެއް،" ފްރީލަންޑްގެ ބަޔާނުގައި ވިދާޅުވެފައިވެއެވެ.
"ސަރަހައްދުގައި ތިބި އަޅުގަނޑުމެންގެ ބައިވެރިންނާ ގުޅިގެން ބާރުއަޅަމުން ގެންދާނަން މަޑޫރޯގެ ޑެމޮކްރަސީއާ ދެކޮޅު ސަރުކާރުން، ވެނެޒުއޭލާގެ ރައްޔިތުންގެ ހައްގަތުއް އިއާދަ ކުރުވުމަށް" އެކަމަނާ ވިދާޅުވިއެވެ.
ކެނެޑާ އިން މިހާރު ވެސް ވަނީ ވެނެޒުއޭލާގެ އިސް އޮފިޝަލުންނާ ދެކޮޅަށް ދަތިކުރުމުގެ ފިޔަވަޅުތައް އަޅާފައެވެ.
