މިނެޓެއްގެ ތެރޭގައި 122 ކާށި ފަޅާލައިފި!
މީގެ ކުރިން މީހަކު މިރެކޯޑް ހަދާފައިވަނީ މިނިޓެއްގެ ތެރޭގައި 118 ކާށި ފަޅާލައިގެން
ކާށި ފެޅުމުގެ ދުނިޔޭގެ ރެކޯޑް މުގުރާލަނީ
އިންޑިއާގެ ކެރެލާ މީހަކު އެއް މިނeޓް ތެރޭ، ހުސްއަތުން 122 ކާށި ފަޅާލައި، ދުނިޔޭގެ ރެކޯޑް ޤާއިމްކޮށްފިއެވެ.
މީގެ ކުރިން މި ރެކޯޑް އޮތް މީހާއަށް އެއް މިނެޓް ތެރޭ ފަޅާލެވުނީ 118 ކާއްޓެވެ.
އަބީޝް ޕީ ޑޮމިނިކް ކިޔާ މީހަކު މި ރެކޯޑް ހެދީ މިއަހަރުގެ ކުރީކޮޅު ނަމަވެސް، މި ރެކޯޑްގެ މަންޒަރުތައް ޔޫޓިއުބްގައި އާއްމު ކޮށްފައިވަނީ މިދިޔަ ބުދަ ދުވަހުއެވެ.
ވީޑިއޯ އިން ފެންނަނީ ފާރު ބުރިއެއް މަތީގައި 140 ކާށި ބާއްވާފައި އޮއްވައެވެ. އަދި އަބީޝް ވަށައިގެން ހިތްވަރުދޭން ގިނަ އަދަދެއްގެ ބަޔަކު ތިއްބެވެ. އޭނާވަނީ ސިކުންތަކު ގާތްގަނޑަކަށް 2 ކާށި ފަޅާލާފައެވެ.
ރެކޯޑް މުގުރާލުމަށް ފަހު އަބީޝް ބުނީ އޭނާ ދުނިޔޭގެ ރެކޯޑެއް ހެދުމަށް ބޭނުންވީ އޭނާއަކީ ކުޑަ އަވަށަކުން އައި މީހަކަށް ވެފައި، މިފަދަ ކަންތައް ކުރުމަކީ އެފަދަ ހިސާބުތަކުގައި ދިރިއުޅޭ މީހުންނަށް ހަމައެކަނި ހުވަފެނަކަށް ވެފައި އޮންނާތީ ކަމަށެވެ. އަބީޝް ބުނީ އޭނާއަކީ ހިތްވަރު ގަދަ މީހެއް ކަމަށާއި، ކުރަން އުޅެފިކަމެއް ވާނެކަމަށް އޭނާ ޤަބޫލުކުރާ ކަމަށެވެ.
މިވީޑިއޯއަށް ކޮމެންޓްކުރި ބައެއް މީހުން އަބީޝްގެ އަތް ސިފަކޮށްފައިވަނީ މަރުތޭލައެއްގެ ގޮތުގައެވެ.
