ޝާހުރުކް ޚާން ލީޑް ރޯލުން ފެނިގެންދާ "ޑޯން" ފިލްމުގެ ތިން ވަނަ ބައި "ޑޯން 3" އުފެއްދުމުގެ މަސައްކަތް ފަށާފައި ވާއިރު އެންމެ ގިނަ ބަޔަކު ދައްކަމުންދާ އެއް ވާހަކައަކީ އެ ފިލްމުގެ ލީޑް އެކްޓްރެސް ޕްރިޔާންކާގެ ބަދަލުގައި ދިޕިކާ ޕަޑުކޯން ހަމަޖެއްސި ވާހަކައެވެ.
ނަމަވެސް "ޑޯން 3" ގެ ޕްރޮޑިއުސާ ރިތޭޝް ސިދްވާނީ ބުނެފައި ވަނީ ދިޕިކާއަކީ ޑޯން ސީރީޒްގެ ބައިވެރިއެއް ނޫން ކަމަށާއި އަދި ޑޯން 3 ގައި ޕްރިޔާންކާގެ ބަދަލުގައި ދިޕިކާ ހަމަޖެއްސުމަށް ނިންމާފައިވާ ވާހަކަތަކީ އެއްވެސް ހަގީގަތެއް ހުރި ވާހަކަތަކެއް ނޫން ކަމަށް ރިތޭޝް ސިދުވާނީ ބުންޏެވެ.
އޭނާ ބުނީ "ޑޯން 3" އުފެއްދުމުގެ މަސައްކަތް ކުރަމުންދާ ކަމަށެވެ. އަދި އެ ފިލްމާ ގުޅޭ ތަފްސީލް ވަަރށް އަވަހަށް ހާމަ ކުރާނެ ކަމަށް ރިތޭޝް ސިދުވާނީ ބުންޏެވެ.
ޑޯންގައި އެންމެ ފުރަތަަމަ ފެނިގެން ގޮސްފައި ވަނީ އަމީތާބް ބައްޗަންއެވެ. އަދި އޭގެ ފަހުން ކޮންމެެވެސް ވަރެއްގެ ބަދަލުތަކަކާއެކު ޑޯން އިން ފެނިގެން ދިޔައީ ޝާހުރުކް ޚާންއެވެ. އަދި އޭގެ ފަހުން ޑޯން 2 ވެސް ވަނީ ބެލުންތެރިންނާ ހަމައަށް އައިސްފައެވެ. ޑޯން އަކީ ބެލުންތެރިންގެ ވަަރަށް ބޮޑު ތަރުހީބެއް ހޯދާފައިވާ މީހެކެވެ.
