ޝާހުރުކް ޚާން ފުރަތަމަ ފަހަރަށް ޓީވީ ސީރީޒް އެއް ޕްރޮޑިއުސް ކުރަނީ
21 ނޮވެމްބަރު 2017 | އަންގާރަ 05:28މި ސީރީޒް ނެރޭނީ ޝާހުރުކް ޚާންގެ ޕްރޮޑަކްޝަން ހައުސް "ރެޑްޗިލީ އެންޓަޓެއިންމެންޓުން"
ޝާހުރުޚާން ނެޓް ފްލެކްސްގެ ޓީމާއެކު
މިދިޔަ އަހަރުގައި ޝާހުރުކް ޚާންގެ ޕްރޮޑަކްޝަން ހައުސް "ރެޑްޗިލީ އެންޓަޓެއިންމެންޓުން" ވަނީ "ނެޓް ފްލިކްސް" އާއެކު އެކްސްކުލޫސިވް ސީރީޒެއް ހެދުމަށް ސޮއި ކޮށްފައެވެ.
އެ ސީރީޒް ގެ ނަމަކީ "ބާޑް އޮފް ބްލަޑް" ކަމަށް، މަޝްހޫރު ސްޓްރީމިން ސާވިސް "ނެޓް ފްލިކްސް" އިން ވަނީ އިއުލާންކޮށްފައެވެ. އަދި ޝާހުރުކް ޚާންއަކީ މި ސީރީޒްގެ ޕްރޮޑިއުސަރ ކަމަށް ވެސް ވަނީ ބުނެފައެވެ.
މިއީ އިންޑިއާގެ ލިޔުންތެރިއެއްކަމަށްވާ ބިލާލް ސިއްދީގުގެ ވާހަކައިގެ މައްޗަށް ބިނާކޮށް އުފައްދާ ސީރީޒެކެވެ. އަށް އެޕިސޯޑުގެ މައްޗަށް އުފައްދާ މި ސީރީޒް ދައްކަން ފަށާނެ ދުވަހެއް އަދި އިއުލާން ކޮށްފައެއް ނުވެއެވެ.
މި ސީރީޒް ވެގެންދާނީ ޝާހުރުކް ޚާން އުފައްދާ ފުރަތަމަ ސީރީޒްއަށެވެ.
މިސީރީޒްގައި ފެންނާނެ ތަރިންނެއް އަދި އިއުލާނެއް ނުކުރެ އެވެ.
