ސުއިދާގާ މޭޑްއިން އިންޑިއާ: ވަރުން ފަހަން ދަސްކުރަނީ

ޔަޝް ރާޖްގެ ފިލްމެއްކަމަށްވާ ސުއިދާގާ މޭޑް އިން އިންޑިއާއަށް ބޮލީވުޑްގެ ތަރި ވަރުން ދާވަން ފަހަން ދަސްކުރަން ފަށައިފިއެވެ.

އޭނާގެ އިންސްޓަގްރާމުގައި ކަރަންޓު ބޭނުން ނުކޮށް ފަހާ ފޮއްޓެއް ކައިރީ އިނދެގެން ފަހަން އިންނަ ފޮޓޯއެއް ވަނީ އާންމުކޮށްފައެވެ. މި ފިލްމުގައި ވަރުން ދާވަން ފެނިގެންދާނީ އާދައިގެ ފަހާ މީހެއްގެ ރޯލުންނެވެ. ވަރުން އާއި އެކު މި ފިލްމުން ފެންނާނެ އަންހެން ބަތަލާއަކީ އަނުޝްކާ ޝަރުމާއެވެ. މި ފިލްމަކީ އިންޑިއާގެ ކޮޓެޖް އިންޑަސްޓްރީގެ މައްޗަށް ބިނާކޮށް ހަދާ ފިލްމެކެވެ.

ވަރުން ދަވަން އެންމެ ފަހުން ފެނިގެން ގޮސްފައިވަނީ "ޖުޅްވާ2"އިންނެވެ. އެ ފިލްމުގައި ވަރުންއާއި އެކީގައި ފެނިގެން ގޮސްފައިވަނީ ޖެކޮލިން ފެނާންޑޭޒްއެވެ. އޭނާ ވަނީ "އޮކްޓޯބަރ" ގެ ޝޫޓިން މިހާރު ނިންމާލާފައެވެ. އޮކްޓޯބަރ ސިނަމާތަކަށް އަންނާނީ އަންނަ އަހަރުގެ އެޕްރީލްގައެވެ. ސުއިސާދާގެ ޝޫޓިން ފެށުމުގެ ކުރިން ވަރުން ފަހަން ދަސްކުރާއިރު މި ފިލްމުގެ ލީޑް ރޯލުން ފެންނަ އަންހެން ބަތަލާ އަނުޝްކާ ވަނީ މިހަފްތާތެރޭގައި ކައިވެނިކޮށްފައެވެ. އެހެން ކަމުން މި ފިލްމުގެ ޝޫޓިން ފަށާނީ އަނުޝްކާގެ ހަނީމޫން ނިންމާލުމުންކަމަށް ރިޕޯޓުތައް ބުނެއެވެ.