"އަންޑަރ ދަ ކްލޯޝަރ" ގެ ނަމުގައި ކޮކަކޯލާ އިން ޕްރޮމޯޝަނެއް ފަށައިފިއެވެ.

މާލެ އެރޭޓެޑް ވޯޓަރ ކޮމްޕެނީ އިން މި ޑިސެމްބަރ މަހުގެ 1 ވަނަ ދުވަހު ފެށި މި ޕްރޮމޯޝަން ކުރިއަށްގެންދިއުމަށް ނިންމާފައިވަނީ އަންނަ އަހަރުގެ ޖަނަވަރީ މަހުގެ 18 ވަނަ ދުވަހާއި ހަމައަށެވެ.

އޫރީދޫ މޯލްޑިވްސް އާއި ގުޅިގެން ފަށާފައިވާ މި ޕްރޮމޯޝަންގައި ބައިވެރިވެގެން އަގުހުރި އިނާމުތަކެއް ލިބިގެންދާނެ ކަމަށް އެ ކުންފުނިން ބުނެއެވެ.

މި ޕްރޮމޯޝަންގައި ބައިވެރިވުމަށްޓަކައި ކޯކާ ކޯލާގެ 300 އެމްއެލް، 500 އެމްއެލް އަދި 1250 އެމްއެލް ފުޅީގެ މަތިގަނޑުގެ އެތެރޭގައި ޕްރިންޓް ކޮށްފައިވާ ކޯޑު، އުރީދު އެމް ފައިސާ އެޕަށް ހުށަހަޅަން ޖެހޭނެއެވެ.

ޕްރޮމޯޝަން އާއި ބެހޭގޮތުން މާލޭ އެރޭޓެޑް ވޯޓަރ ކޮމްޕެނީގެ މެނޭޖިންގް ޑިރެކްޓަރު ސަންޖޭ މަނިކު ވިދާޅުވީ ކޮކާ ކޯލާގެ ކޮލެޓީ އާއި ރަހައިގެ ސަބަބުން ގިނަ ބައެއްގެ ތެރޭގައި އެ ބުއިން މަޝްހޫރުވެފައިވާ ކަމަށާއި އަބަދުވެސް ކަސްޓަމަރުންގެ ހިތްހަމަޖެހުމާއި ބޭނުންތަކަށް އިސްކަންދީގެން މިފަދަ ޕްރޮމޯޝަންތައް ކުރިއަށް ގެންދިއުމަށް އެ ކުންފުނިން ނިންމާފައިވާ ކަމަށެވެ.

މާލެ އެރޭޓެޑް ވޯޓަރ ކޮމްޕެނީ އަށް މިއަހަރު ވަނީ 27 އަހަރު ފުރިފައެވެ.