ދިރާގުން ރޯދަމަހާ ދިމާކޮށް ފިކްސްޑް ބްރޯޑްބޭންޑްގެ ޕްރޮމޯޝަނެއް ފަށައިފިއެވެ.
މި ޕްރޮމޯޝަން ކުރިއަށްގެންދިއުމަށް ހަމަޖެހިފައި ވަނީ 30 ޖޫންގެ ނިޔަލަށެވެ.
މި ޕްރޮމޯޝަނުގެ ދަށުން ދިރާގު ފައިބަރ ނުވަތަ އޭޑީއެސްއެލް ކަނެކްޝަނެއް ހިލޭ ގުޅައިދިނުމަށް ވަނީ ހަމަޖެހިފަ އެވެ. އަދި ފުރަތަމަ ދެ މަހުގެ މަހުފީ އިން %25 ޑިސްކައުންޓް ވެސް ލިބިގެން ދާނެ ކަމަށް ދިރާގުން ބުނެއެވެ.
ދިރާގުން މިދިޔަ މޭ މަހު ވެސް ވަނީ ފިކްސްޑް ބްރޯޑްބޭންޑްގެ ޕްރޮމޯޝަނެއް ކުރިއަށް ގެންގޮސްފައި ވެއެވެ. ދިރާގުން ބުނީ މިދިޔަ މަހު ބޭއްވި ޕްރޮމޯޝަންގައި ކަސްޓަމަރުންގެ ފަރާތުން ވަރަށް ބޮޑު ތަރުހީބެއް ލިބުނުކަމާއި އަނެއްކާ ވެސް ފިކްސްޑް ބްރޯޑްބޭންޑް ޕްރޮމޯޝަނެއް ކުރިއަށްގެންދަން ހަމަޖެއްސީ ވީހާ ވެސް ގިނަ ކަސްޓަމަރުންނަށް ލުއިފަސޭހަ ހިދުމަތްތަކެއް، ދިނުމަށް ކަމަށެވެ.
ދިރާގުން ރަމަޟާން މަހަށް ޚާއްސަކޮށް ޕްރޮމޯޝަންތައް ކުރިއަށް ގެންދާ އިރު، ވަރަށް ފަހުން ވަނީ އެ ކުންފުނީގެ ލޯގޯ އާއި ކުލަ ބަދަލުކޮށްފަ އެވެ.
އެގޮތުން އެކުންފުނީގެ ކުލައަކީ މިހާރު އޮރެންޖް ކުލަ އެވެ.
