17 އަހަރަށް ފަހު އަނިލް ކަޕޫރުއާއި މަދޫރީ އެކުގައި ބޮޑު ސްކްރީނަށް
މަދޫރީ އަދި އަނިލް އެކުގައި ފެނިގެން ދާނީ "ޓޯޓަލް ދަމާލް" ގައި
އަނިލް ކަޕޫރު އަދި މަދޫރީ
ބޮލީވުޑްގެ ސުޕްސްޓާ އަނިލް ކަޕޫރުއާއި ކަމީޔާބު ބަތަލާ މަދޫރީ ދިކްޝިޓްގެ ފިލްމްތަކަކީ އެތައް ބައެއްގެ ލޯބި ހޯދާފައިވާ އަދި ބޮކްސް އޮފީހުގައި ވެސް ބޮޑެތި ކާމިޔާބީތަކެއް ހޯދާފައިވާ ފިލްމްތަކެކެވެ.
އަނިލް ކަޕޫރުއާއި މަދޫރީ އެންމެ ފަހުން އެކުގައި މަސައްކަތް ކޮށްފައި ވަނީ މީގެ 17 އަހަރު ކުރިންނެވެ. އެގޮތުން އަނިލްއާއި މަދޫރީ އެކުގައި މަސައްކަތް ކުރި ކާމިޔާބު ފިލްމްތަކުގެ ތެރޭގައި "ރާމް ލަކަން" "ޕަރިމްދާ" ފަދަ ފިލްމްތައް ހިމެއެވެ.
މަދޫރީ އާއި އަނިލް 17 އަހަރަށް ފަހު ބެލުންތެރިންނާއި ހަމައަށް އަންނަނީ "ދަމާލް" ފްރެންޗައިޒް ދިން ވަނަ ބައި "ޓޯޓަލް ދަމާލް" އިންނެވެ.
މަދޫރީ ބުނީ 17 އަހަރަށް ފަހު އަނިލްއާއެކު މަސައްކަތް ކުރުމުގެ ފުރުސަތު ލިބުނީތީ އުފާ ކުރާ ކަމަށާއި އަނިލްއާއެކު ފިލްމުގެ މަސައްކަތް ފެށުމަށް ކެތް މަދުވެފައިވާ ކަމަށެވެ.
އިންދްރާ ކުމާރު ޑައިރެކްޓް ކުރާ "ޓޯޓަލް ދަމާލް" ގައި އަނިލް ކަޕޫރުއާއި މަދޫރީގެ އިތުރުން ދެން ފެނިގެން ދާނީ އަޖޭ ދޭވްގަންއާއި ރިތޭޝް ދޭޝްމުކްގެ އިތުރުން ޖާވިދު ޖެފްރީއާއި އަރުޝަދު ވާސީއެވެ.
