"ލުއިފުޅި" ގޭހުގެ ރެޖިސްޓްރޭޝަން ފީ އަގު ހެޔޮކޮށްފި
ކުރިން 1775 ރުފިޔާއަށް ވިއްކަމުން އައި ލުއިފުޅި މިއަދުން ފެށިގެން މި މަހުގެ 30 ވަނަ ދުވަހުގެ ނިޔަލަށް ވިއްކަމުން ދާނީ 1500 ރުފިޔާ އަށް
ކުރިން 1775 ރުފިޔާއަށް ވިއްކަމުން އައި ލުއިފުޅި މިއަދުން ފެށިގެން މި މަހުގެ 30 ވަނަ ދުވަހުގެ ނިޔަލަށް ވިއްކަމުން ދާނީ 1500 ރުފިޔާ އަށް
ގޭހުގެ ވިޔަފާރިކުރާ ސަރުކާރުގެ ކުންފުނި، މޯލްޑިވް ގޭހުން ވިއްކަމުން އަންނަ އެ ކުންފުނީގެ އެންމެ ހާއްސަ އެއް ޕްރޮޑަކްޓް ކަމަށްވާ "ލުއިފުޅި" ގޭސް ފުޅީގެ ރެޖިސްޓްރޭޝަން ފީގެ އަގު ހެޔޮ ކޮށްފިއެވެ.
ބުދަ ދުވަހު ފެށި މި ޕްރޮމޯޝަން ދަށުން މީގެ ކުރިން 1775 ރުފިޔާއަށް ވިއްކަމުން އައި ލުއިފުޅި މިއަދުން ފެށިގެން މި މަހުގެ 30 ވަނަ ދުވަހުގެ ނިޔަލަށް ވިއްކަމުން ދާނީ 1500 ރުފިޔާ އަށެވެ.ބުަދަ ދުވަހުގެ ހަވީރު މޯލްޑިވް ގޭސް ޕާކުގައި ބޭއްވި ރަސްމިއްޔާތުގައި މި ޕްރޮމޯޝަންގެ ލޯންޗްކޮށްދެއްވީ މޯލްޑިވް ގޭސްގެ ފައިނޭންސް މެނޭޖަރު އަހުމަދު ރަމީޒުއެވެ.
މި ޕްރޮމޯޝަނާއި ގުޅޭގޮތުން މައުލޫމާތު ދެއްވަމުން މޯލްޑިވް ގޭސްގެ މާކެޓިންގ މެނޭޖަރ އާމިނަތު މުހައްމަދު ސައީދު ވިދާޅުވީ، ލުއިފުޅިއަށް ހާއްސަކޮށް މިއަދު ފެށި މި ޕްރޮމޯޝަންގައި ލުއިފުޅީގެ ރެޖިސްޓްރޭޝަން ފީއަށް ވަރަށް ބޮޑު ހެޔޮ ބަދަލެއް އައިސްފައިވާ ކަަމަށެވެ.
"އަޅުގަނޑުމެން މީގެ ކުރިން 1775 ރެޖިސްޓާ ކުރަމުން އައި ލުއިފުޅި މިހާރު އަޅުގަނޑުމެން ރެޖިސްޓްރޭޝަން މި އިނީ ވަރަށް ބޮޑު ޑިސްކައުންޓެޑް ޕްރައިސެއްގައި. މިހާރު ރެޖިސްޓާ ކުރަން ހުރިހާ ކަސްޓަމަރުން ދައްކަވަން މި ޖެހެނީ 1500 ރުފިޔާ". އާމިނަތު ވިދާޅުވިއެވެ.
އާމިނަތު ވިދާޅުވީ، މިހާރު ލުއިފުޅީގެ 10 ކިލޯގެ ފުޅިއަށް ރީފިލް ކުރުން 200 ރުފިޔާއަށް އަގުހެޔޮ ކޮށްފައިވާއިރު، ރަށްރަށުގައި ތިއްބަވާ މޯލްޑިވްސް ގޭސްގެ އެޖެންޓުން މެދުވެރިކޮށް ލުއިފުޅިއަށް ރެޖިސްޓާ ކުރާ ފަރާތްތަކަށް ވެސް މި ހެޔޮ ބަދަލު ފެނިގެން ދާނެ ކަމަށެވެ.
މިހާރު ލުއިފުޅިވެފައި މި ވަނީ ރާއްޖޭގެ އިތުރުން، މުޅި ދުނިޔޭގައި ވެސް ރައްކާތެރިކަމުގެ ގޮތުންވެސް އެންމެ ފުރިހަމަ އެއް ގޭސް ފުޅިއަށެވެ.
"އަޅުގަނޑުމެންގެ މި ޕްރޮޑަކްޓަކީ ތިމާވެށީގެ ގޮތުން ބެލިޔަސް، މުޅި ދުނިޔޭގަ ވަކިން ހާއްސަކޮށް ޔޫރަޕްގައި ޔޫރޯ 1 ސެޓްފިކެޓްވެ ސް މި ވަނީ މި ޕްރޮޑަކްޓަށް ލިބިފައި. އެއީ ތިމާވެށީގެ ގޮތުން އެންމެ ރައްކާތެރިގޮތަށް ތައްޔާރުކުރެވިފައިވާ ޕްރޮޑަކްޓަކަށްވާތީީ" އާމިނަތު ވިދާޅުވިއެވެ.
މޯލްޑިވް ގޭހުން ވިއްކަމުން އަންނަ ލުއި ފުޅިއަކީ އެމްއެންޑީއެފްގެ ފަޔާ އެންޑް ރެސްކިއުއިން ހާއްސަ ޓެސްޓެއް ކޮށްފައިވާ ފުޅިއެކެވެ. މި ފުޅިއަކީ އަލިފާނުގެ ހާދިސާއެއް ހިނގިޔަސް ނުގޮވާނެ ފުޅިއެއްކަން އެމްއެންޑީއެފް އިން ވެެސް ވަނީ ކަަށަވަރު ކޮށްދީފައެވެ.
ބަރުދަނުގައި އެންމެ ފަސް ކިލޯ ހުންނަ މި ފުޅިއަކީ އުފުލައި ގެންގުޅެން ފަސޭހަ ލުއި ފުޅިއެކެވެ. އަދި ބަދިގޭގެ ކަބަޑް ސެޓްތައް ޒީނަތްތެރިކަން ނުގެއްލޭ ގޮތަށް ފަރުމާކޮށްފައިވާ މި ފުޅީގައި ދަބަރެއް ނުޖަހައެވެ.
