ޕީޕީއެމް މެމްބަރު ފަލާހް، ހަތަރު މިލިއަނަށް މާލެއިން ގޯއްޗެއް ބައްލަވައިގެންފި
28 އޮކްޓޯބަރު 2017 | ހޮނިހިރު 15:15ބައްލަވާ ގެންނެވީ މ.އަލްހަދީދު، ނަމަކަށް ކިޔާގޯތި
ރައްޔިތުންގެ މަޖިލީހުގެ އިނގުރައިދޫ ދާއިރާގެ ޕީޕީއެމް މެމްބަރު އިބްރާހިމް ފަލާހް:- އޭނާ ވަނީ މާލެ އިން ގޯއްޗެއް ބައްލަވައި ގެނެފައ
ރައްޔިތުންގެ މަޖިލީހުގެ އިނގުރައިދޫ ދާއިރާގެ ޕީޕީއެމް މެމްބަރު އިބްރާހިމް ފަލާހް މާލެއިން ގޯއްޗެއް ބައްލަވައިގެންފި އެވެ.
ފަލާހް އަގު ދެއްވައިގެން ބައްލަވައިގެންފައިވަނީ ދަފްތަރު،1458 އަހްމަދު ރަޝީދުގެ ނަމުގައި ރަސްޖިސްޓްރީ ކޮށްފައިވާ މ.އަލްހަދީދު، ނަމަކަށް ކިޔާ ގޯއްޗެވެ. މީ ގޯތި ފަލާހް ބައްލަވައިގެންނެވީ 4000000 (ހަތަރު މިލިއަން ރުފިޔާ) ދީފައި ކަމަށް އެ މުއާމަލާތް ކޯޓުން ނިންމާފައިވާ ހުކުމުގައިވެ އެވެ. އެއީ 1000 އެކަފޫޓުގެ ގޯއްޗެކެވެ.
ސިވިލް ކޯޓު މެދުވެރުކޮށް މިދިޔަ ބުރާސްފަތި ދުވަހު ވަނީ އެ ގޯތީގެ އަގު އެއްކޮން ދައްކާފައިވާތީ އެ ވިޔަފާރި ސައްހަ ކަމަށް ނިންމާފަ އެވެ.
ފަލާހް ގޯތި ގަތުމަށް ކޮށްފައިވާ މުއާމަލާތް ރަނގަޅު ކަމަށް ސިވިލް ކޯޓުން ކޮށްފައިވާ ހުކުމް
" މި ވިޔަފާރީގެ ސަބަބުން މ.އަލްހަދީދު އެވެކިޔާ އަމިއްލަގޯތީގެ މިހާރުގެ މިލްކްވެރި ފަރާތަކީ ރ.އިންނަމާދޫ، ސިމްލާ، އިބްރާހިމް ފަލާހް ކަމުގައި ކަނޑައަޅާ މި ގޮތުގެ މަތީން ހުކުމް ކޮށްފީ ކަމަށް ބުނެފައިވެއެވެ.
ފަލާހް ވަނީ ދާދިފަހުން ސްޕީޑް ލޯންޗެއްވެސް ބައްލަވާގެނެފަ އެވެ. އެ ލޯންޗަށް ކިޔަނީ އަސުރުމާ އެކްސްޕްރެސް އެވެ.
ފަހަކަށް އައިސް ފަލާހް ވެފައިވަނީ ސަރުކާރާ އިދިކޮޅު މެމްބަރުންނަށް އެންމެ ގިނައިން ބަހުގެ ހަމަލާދެއްވާ ރައްޔިތުންގެ މަޖިލީހުގެ މެމްބަރަކަށެވެ.
