ބައިނަލްއަޤްވާމީ ކޯޓުން ބުރުންޑީ ވަކިވަނީ
28 އޮކްޓޯބަރު 2017 | ހޮނިހިރު 05:24މީގެ ކުރިން އެއްވެސް ޤައުމަކުން ކޯޓުގެ މެމްބަރުކަން ދޫކޮށްލާފައެއް ނުވޭ
ބުރުންޑީގައި އާއްމުންގެ ބަޔަކާއި ސިފައިން ކުރިމަތިލަނީ
ޖިނާޢީ ކުށްތަކާއި ބެހޭ ބައިނަލްއަޤްވާމީ ކޯޓު، އައިސީސިއިން ވަކިވުމަށް އެފްރިކާ ބައްރުގެ ޤައުމެއްކަމަށް ބުރުންޑީއިން ނިންމައިފިއެވެ. އައިސީސިއިން ވަކިވާ ފުރަތަމަ މެމްބަރު ޤައުމަށްވާ ބުރުންޑީއިން ބުނީ އައިސީސިއިން ބަލަމުންދަނީ ހަމައެކަނި އެފްރިކާގެ ވެރިންގެ މައްސަލަތައްކަމަށެވެ. އެޤައުމުން މިހެން ބުނެ އައިސީސީއިން ވަކިވާން ނިންމީ، ބުރުންޑީގެ ސަރުކާރުން ހިންގަމުންދާ އިންސާނިއްޔަތާއި ޚިލާފު ޖަރީމާތަކުގެ މައްސަލަ އައިސީސީ އިން ބެލުމަށް އަނިޔާތައް އެމައްސަލަތައް ދިރާސާކުރި އދގެ ޚާއްސަ ކޮމިޝަނުން ގޮވާލަމުންދަނިކޮށެވެ.
ބުރުންޑީއިން އައިސީސީގެ މެމްބަރުކަން ދޫކޮށްލާނެކަމަށް މީގެ އަހަރެއް ކުރިން ވަނީ އަންގާފައެވެ. 122 މެމްބަރު ޤައުމު ބައިވެރިވާ ޖިނާޢި ކުށްތަކާއި ބެހޭ ބައިނަލްއަޤްވާމީ ކޯޓުގެ މެމްބަރުކަން ބުރުންޑީއިން ދޫކޮށްލިނަމަވެސް، އެޤައުމުގެ މައްސަލަ ބެލުމުގެ އިހްތިސާސް އައިސީސީއަށް ލިބިގެންވެއެވެ. އެހެން ނަމަވެސް މެމްބަރު ނޫން ޤައުމެއްގެ އެއްބާރުލުން ނުލިބި މައްސަލަތައް ބެލުމަށް ދަތިތަކެއް ކުރިމަތިވާނެއެވެ.
އައިސީސީއިން ވަކިވުމަށް ބުރުންޑީއިން ނިންމާފައިވަނީ 2015ވަނަ އަހަރު ޤާނޫން އަސާސީއާއި ޚިލާފަށް ބުރުންޑީގެ ރައީސް ޕިއޭރ އެންކުރުންޒިޒޭ 3ވަނަ ދައުރަކަށް ކުރިމަތިލައްވަން ނިންމެވުމުން މަގުތަކަށް ނިކުތް އިދިކޮޅު ފަރާތްތަކާއި ދޭތެރޭ ސަރުކާރުން ހިންގި އިންސާނިއްޔަތާއި ޚިލާފު ޖަރީމާތަކުގެ މައްސަލަ ބަލަން އުޅުމުންނެވެ.
ނެދަލޭންޑްސްގެ ދަހޭގްގައި ހުންނަ އައިސީސީގެ މެމްބަރަކަށް ވުމަށްފަހު އެއްވެސް ޤައުމަކުން މެމްބަރުކަން ދޫކޮށްފައެއް ނުވެއެވެ.
