ކ. މާލެ
|
17 އޮކްޓޯބަރ 2017 | އަންގާރަ 18:36
ރައީސް ވަޙީދާއި ރައީސް ޔާމީން - ފަރުދާގެ ފުރަގަހުން ރައީސް ވަޙީދުގެ ވެރިކަން ހިންގެވީ ޕީޕީއެމާއި ރައީސް ޔާމީން ކަމަށް ޢަބްދުއްރަޙީމް ވަނީ ވިދާޅުވެފަ
ރައީސް ވަޙީދާއި ރައީސް ޔާމީން - ފަރުދާގެ ފުރަގަހުން ރައީސް ވަޙީދުގެ ވެރިކަން ހިންގެވީ ޕީޕީއެމާއި ރައީސް ޔާމީން ކަމަށް ޢަބްދުއްރަޙީމް ވަނީ ވިދާޅުވެފަ
ރައީސް އޮފީސް
ރައީސް ވަޙީދުގެ ވެރިކަން
ރައީސް ވަޙީދަކީ ޕަޕެޓެއް، އަދީބަކީ ހަތިޔާރު، ތިޔަވެވުނީ އިޢުތިރާފު، ދެން އަތް ޖަހާ!
 
ރައީސް ވަޙީދު ކުރިއަށްނެރެ ހަޤީޤަތުގައި ވެރިކަން ކުރީ ޕީޕީއެމުން ކަމަށް ޢަބްދުއްރަޙީމް ވަނީ ވިދާޅުވެފަ
 
ވެރިކަމުގައި ހުންނެވި އިރުވެސް ފެނުނީ ވަރަށް ބާރެއް ނެތް ގޮތުގަ
 
ރައީސް ވަޙީދު ވެރިކަން ކުރެއްވީ އުނދަގޫ ދަނޑިވަޅެއްގަ

ދެހާސް ބާރަ ވަނަ އަހަރު، ފެބްރުއަރީ 7 ވަނަ ދުވަހު އެމްޑީޕީގެ ސަރުކާރު ނިމިގެން ދިޔަ ގޮތާމެދު ގޮތެއް ނިންމާކަށް ނެތީމެވެ. އެކަން، ކުރި ގޮތަކަށް ކުރީ ކޯނީންނެވެ. ނަމަވެސް ފެބްރުއަރީ 7 ވަނަ ދުވަހުގެ ފަހުން ދެން ކަންވެގެން ދިޔަ ގޮތާމެދު ހަޤީޤަތަށް ވާހަކަ ދައްކާ މީހަކު ނަމަ، މުޅިން ދެބަސް ނުވާނެ އެއް ކަމަކީ، އެވަގުތު ޤައުމުގެ ޒައާމަތާ ހަވާލުވެވަޑައިގަތް ޑރ. މުޙައްމަދު ވަޙީދު ހަސަން މަނިކަށް ކުރިމަތިވެވަޑައިގެންފައި އޮތީ ނިކަން އުނދަގޫ މަސައްކަތަކާ ކަމެވެ. ޤައުމު ބައިބައިވެ، ތިން ހަތަރު ކަތްޕަށް ބެހިފައި އޮތްއިރު، އެމަނިކުފާނާ ހަވާލުވި ފުރަތަމަ ރިޔާސީ ޒިންމާއަކަށްވީ ޤައުމު އެއްގަލަކަށް އެރުވުމެވެ.

ރައީސް ވަޙީދުގެ ކުރު ވެރިކަމުގެ ދުވަސްވަރަކީ ރާއްޖޭގެ ޑިމޮކްރެޓިކް ހަޔާތުގައި ދެން ފެންނާނެހެން ހީވެސްނުވާ ބައެއް ކަންކަން ފެނިދިޔަ ދުވަސްވަރެކެވެ. އެމަނިކުފާނުގެ ސައިޒުން އެމަނިކުފާނު ވެރިކަން ކުރައްވަމުން ގެންދެވިއިރު، ފެންނަމުންދިޔަ މަންޒަރުން، ވެރިކަން ކުރައްވަނީ އެމަނިކުފާނުގެ އަނބިކަނބަލުންނޭ ވެސް ބައެއް ފަހަރު ހީވެއެވެ. އެމަނިކުފާނު ގިނަފަހަރު ފެންނަމުންދިޔައީ މެޑަމް އިލްހާމް ޙުސައިންގެވެސް ނައިބު ރައީސްގެ ގޮތުގައެވެ. ޖަލްސާއަކަށް ވަޑައިގަތަސް، ރަށަކަށް ވަޑައިގަތަސް، ބިދޭސީ އިއްޒަތްތެރިއަކާއި ބައްދަލުކުރެއްވިއަސް ހަމަ އެހެންނެވެ. ކުޑަމިނުން ރައީސްކަމުގެ ހުވާކުރުމަށް ރައްޔިތުންގެ މަޖިލީހަށް ވަޑައިގެންނެވިއިރު، އެތަނުގައި ތިއްބަވާނީ ކޮންކޮން ބައެއްކަންވެސް އެމަނިކުފާނަށް އެނގިނުލައްވައެވެ.

އަނެއްކޮޅުން ރައީސް ނަޝީދުގެ ވެރިކަން ވައްޓާލައި، ރައީސް ވަޙީދު ސަރުކާރުގެ ބޯޑު މެންބަރުންގެ ގޮތުގައި ތިބި ސިޔާސީ ފަރާތްތައް ތިބީ އުއްދަނޑިން ދިޔަފެލަން ގެންގުޅޭ މެޝިނަކުން އުއްދަނޑިއެއް ފިއްތާލާހެން ރައީސް ވަޙީދު ފިއްތާލައިގެންނެވެ. އެމަނިކުފާނުގެ ކެބިނެޓުވެސް އެކުލަވާލުމުގެ އިޚުތިޔާރު އެމަނިކުފާނަށް ނެތްވާހަކަ އޭރު ކިޔައި އުޅުނެވެ. އޭރު އޭގެ އެންމެ ފުރިހަމަ މިސާލަކަށް ވެގެން ދިޔައީ ސަރުކާރުގެ ކަމާބެހޭ ބޭފުޅުން، ރައީސް ވަޙީދުގެ ސަރުކާރުގެ ޓުއަރިޒަމް މިނިސްޓަރުކަމުގައި ހުންނެވި އަދީބުގެ ކޮރަޕްޝަންގެ ވާހަކަ ދައްކަވާތީ އެންމެފަހުން ކެބިނެޓުން އަދީބު ވަކިކުރުމަށް ނިންމެވި ހިސާބުން ދެން ވީ ގޮތެވެ.

ކެބިނެޓުން އަދީބު ވަކިކުރާ ފިކުރު ރައީސް ވަޙީދުގެ ސިކުނޑިފުޅުގައި އެނބުރެން ފެށުމާ އެކީ، ވަޒީރުކަމުން އަދީބު ވަކިކޮށްފިނަމަ ސަރުކާރުން ވަކިވާނެ ކަމުގެ އިންޒާރު ޕީޕީއެމުން ސަރުކާރަށް ދިނެވެ. އޭރުވެސް، އަދި މިހާރުވެސް، ރަސްމީ ދަފްތަރުގައި މެންބަރުން އެންމެ ގިނަ ޕާޓީއަކީ ޕީޕީއެމް ކަމުން، މި އިންޒާރު ވެގެންދިޔައީ ރައީސް ވަޙީދަށްވެސް އޭގެ ކުރިމަތީގައި އިސްތިރިކުރައްވަން ޖެހިވަޑައިގަތް އިންޒާރަކަށެވެ.

ދުވަހަކު ކޮޅުންވެސް ގޯސްކޮށް ކަމެއް ކުރެވިފައި އޮތްނަމަ އެކަމެއްގެ ވާހަކަ އަމިއްލައަށް ދެކެވޭނޭ ކިޔައި އުޅެއެއް ނޫންހެއްޔެވެ. މިހާރު މިއޮތީ މި އުސޫލުން ކަންވާން ފަށާފައެވެ. އޭރު ކުރެވުނު ކަންކަމުގެ ވާހަކަ އަމިއްލަ އަނގައިން ބޭރުވާން ފެށީއެވެ. ތިމާމެންގެ ޖަރީމާތަކުގެ ވާހަކަ ތިމާމެންނަށް ނޭނގުމެއްގެ ތެރޭގައި ނަމަވެސް ދެކެވެން ފެށީއެވެ. ކުރިން ދޮގުކުރި ކަންކަން އަމިއްލައަށް ފަލީޙަތް ކުރެވެންފެށީއެވެ.

ރާއްޖޭގެ ވެރިކަންކުރާ ޕާޓީގެ އޮފީހަކާއި ޖަގަހައެއް އޮޅުދޫކަރައިގައި ހުޅުވުމަށް ބޭއްވި ރަސްމިއްޔާތުގައި ޕާޓީގެ ނައިބު ތިޔަހަރަ ދެއްކެވި ވާހަކައެކެވެ. ރައީސް ވަޙީދުގެ ވެރިކަމަކީ ތިމަންމެންގެ ވެރިކަމެކޭ، އޭރުވެސް ވެރިކަންކުރީ ހަޤީޤަތުގައި ތިމަންމެނޭ، ވެރިކަމުގައިވެސް ހަޤީޤަތުގައި ހުންނެވީ ރައީސް ޔާމީނޭ ވިދާޅުވެ، ތިޔަ ވެވަޑައިގެންނެވީ އިޢުތިރާފެކެވެ. އެޅުނީ މަޅިއެކެވެ.

ރަސްމީ ހައިސިއްޔަތުން ކުރަންޖެހޭ ކަމަށް ނުފޫޒު ފޯރުވުމާއި، ވާޖިބަށް ހުރަސްއެޅުމާއި، ޤައުމީ ސަލާމަތަށް ނުރައްކާވާ ފަދަ އަމަލެއް ހިންގުން މިއީ ހައްތަހާވެސް ޢަބްދުއްރަޙީމް ވިދާޅުވި އެ ކަންކަމަށް ޤާނޫނީ ބޭފުޅުން ދޭ ދަރަޖަތަކެވެ. އެޅުނު މަޅިތަކެވެ.

ދެއްކެވި ވާހަކަ އާއި މާޒީ އާއި ގުޅުވައިލުމުން އެ ވިދާޅުވީ ކިހާވަރެއްގެ ތެދެއްކަން ވެސް ވިސްނެއެވެ. ސަރުކާރުގެ އިސް މަޤާމަކަށް އަދީބު ކަހަލަ ބޭފުޅަކު ވަޑައިގަތް ގޮތާއި، އަދީބުގެ ބާރު އިތުރުވެގެން ދިޔަ ގޮތާއި، ކެބިނެޓުގައި އަދީބު ބެހެއްޓުމަށް ޕީޕިއެމުން ދިންހާ އިންޒާރުތަކާއިމެދު ވިސްނަވާށެވެ. ހަމަ ހަޤީޤަތުގައިވެސް ފެންނަ މަންޒަރަކީ ރައީސް ވަޙީދުގެ އަމަލުތައް ކޮންޓްރޯލް ކުރެއްވުމަށް ފަރުދާގެ ފުރަގަހުގައި ހުންނަވައިގެން ޕަޕެޓް މާސްޓަރެއްގެ ރޯލު ރައީސް ޔާމީން ކުޅުއްވި މަންޒަރެވެ. އެމަނިކުފާނު ބޭނުންފުޅުވާހާ ކަމެއް ކުރެއްވުމަށް، ހަތިޔާރުގެ ގޮތުގައި އަދީބު ބޭނުންކުރެއްވި މަންޒަރެވެ. ފަރުދާގެ ފުރަގަހުން ޑރ. ވަޙީދު ކޮންޓްރޯލް ކުރެއްވީ ވަރަށްވެސް ފުރިހަމައަށެވެ.

ޢަބްދުއްރަޙީމެވެ. ތިޔަ ވެވުނީ ނިކަން ވަރުގަދަ އިޢުތިރާފެކެވެ. އެހެން ނޫންނަމަ މަނިކުފާނު ދެއްކެވި ވާހަކަ ނިކަން ތަރުޖަމާ ކޮށްދީބަލާށެވެ. އަޑުއަހަން ތިބިހާ ބަޔަކަށް އެ ވާހަކަ ދޭހަވީ ވެރިކަމުގެ ތެރެއަށް އަތްބާނައި، ޤާނޫނީ ވާޖިބަށް ހުރަސްއެޅި ކަމަށް އެއްބަސްވުމުގެ ގޮތުގައެވެ.

ބިތުފަންގި ތިޔަހަރަގެން ނަންގަވަނީ އަމިއްލައަށެވެ. ރައްޔިތުން ދެން އަތްޖަހާށެވެ. ޖަހާ ޖަހާ ފޫދަންންދެން އަތް ޖަހާށެވެ.

 

 

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: ހުސެން ފިޔާޒް
33%
14%
0%
38%
5%
10%
ކޮމެންޓް
18 އޮކްޓޯބަރ 2017 | ބުދަ 17:29
ޕީޕީ
ޖޭވާމީހުން ޖޭވާނެ. ދެން އަތްޖަހާ
18 އޮކްޓޯބަރ 2017 | ބުދަ 14:43
ހ މ ޒ
ނަޝީދު މަސައްކަތްކުރައްވަނީ ރައްޔިތުންގެ ހިތްތަކުގައި ބިރުވެރިކަން އުފައްދައި، ޖަލު ހުކުމެއް ތަންފީޒުކުރަމުން ގެންދަވާ ކުރީގެ ނައިބު ރައީސް އަހުމަދު އަދީބުގެ އާއިލާއަށް ހިތްދަތިކަން ދިނުމަށް! ދެން އަތް ޖަހާށެވެ؟
18 އޮކްޓޯބަރ 2017 | ބުދަ 02:03
ާާާްއަތޮޅޭ
މިތާގަ އަތްޖަހާލާނެ އައިކަންއެތް މިހާރު އިންނަން ވެއްޖެ ކަމަށް ފެނޭ